गेल्या ३२ आंतरराष्ट्रीय लढतींत इटली संघ अपराजित आहे. यात इटलीने २७ लढती जिंकल्या आहेत, तर पाच लढती बरोबरीत सुटल्या आहेत. दुसरीकडे, स्पेनही गेल्या तेरा आंतरराष्टीय लढतींत अपराजित आहे. साहजिकच दोन्ही संघ आपली घोडदौड कायम राखण्यास उत्सुक आहेत. इटलीची खरी ताकद सांघिक खेळ आहे. बोनुचीने म्हटले आहे, की आमच्याकडे रोनाल्डो किंवा लुकाकूसारखे स्टार खेळाडू नाहीत, तर आमचा पूर्ण संघच स्टार आहे.
वाचा- सामना झाल्यानंतर पाहा मैदानावर काय केले; व्हिडिओ झाला व्हायरल
इटलीकडे मध्य क्रमात मार्को व्हेराटी, जॉर्गिन्हो, निकोलो बरेला यांसारखे खेळाडू आहेत. त्यांचे कौशल्य वाखाणण्याजोगे आहे. प्रतिस्पर्ध्याच्या बचाव फळीवर दडपण ठेवण्यात ते महत्त्वाची भुमिका पार पाडतात. इटलीकडे फेडरिको चिएजा, चिरो इम्मोबाइल, लोरेन्झो इन्साइनसारखे स्ट्रायकर आहेत. दरम्यान, इटलीच्या स्पिनाझोलाला दुखापतीचा फटका बसला असून, दोनदा तो सामन्यातील स्टार खेळाडू ठरला होता.
दुसरीकडे, स्पेन संघही तुल्यबळ आहे. स्पेनकडे मोराटा, जेरार्ड मोरेनो, मिकेल ओयार्झबॉल यांसारखे स्ट्रायकर आहेत. त्यांनी वेळोवेळी स्वतःला सिद्ध केले आहे.
वाचा- लव्ह मॅरेज करणार की अरेंज? ‘नॅशनल क्रश’ क्रिकेटपटू स्मृती मंधानाने दिले स्मार्ट उत्तर
संभाव्य संघ
इटली – डॉनारूमा (गोलरक्षक), फ्लोरेन्झी, बोनुची, चिएलिनी, इमर्सन, बरेला, जॉर्गिन्हो, व्हेराटी, चिएजा, इम्मोबाइल, इनसाइन.
इटलीची ताकद इटलीची खरी ताकद सांघिक खेळ आहे. इटलीकडे मध्य क्रमात मार्को व्हेराटी, जॉर्गिन्हो, निकोलो बरेला यांसारखे खेळाडू आहेत. त्यांचे कौशल्य वाखाणण्याजोगे आहे. प्रतिस्पर्ध्याच्या बचाव फळीवर दडपण ठेवण्यात ते महत्त्वाची भूमिका पार पाडतात. दरम्यान, इटलीच्या स्पिनाझोलाला दुखापतीचा फटका बसला असून, दोनदा तो सामन्यातील स्टार खेळाडू ठरला होता.
स्पेन – युनाय सिमॉन (गोलरक्षक), अॅपिलिक्वेटा, गार्सिया, लापोर्टे, अल्बा, कोके, बुस्केट, पेड्री, मोरेनो, मोराटा, ओल्मो.
स्पेनही तुल्यबळ स्पेन संघही तुल्यबळ आहे. स्पेनकडे मोराटा, जेरार्ड मोरेनो, मिकेल ओयार्झबॉल यांसारखे स्ट्रायकर आहेत. त्यांनी वेळोवेळी स्वतःला सिद्ध केले आहे. मधल्याफळीतील खेळाडूंसह सहा खेळाडूंनी स्पर्धेत गोल केले आहेत. मात्र, कधीकधी बचाव दुबळा पडतो अन् प्रतिस्पर्ध्याला गोल करण्याची संधी मिळते.
वाचा- आई आणि पत्नीचा ओरडा बसल्यावर क्रिकेटपटूने live सामन्यात मागितली माफी
खेळ आकड्यांचा
– गेल्या ३२ आंतरराष्ट्रीय लढतींत इटली संघ अपराजित आहे. यात इटलीने २७ लढती जिंकल्या आहेत, तर पाच लढती बरोबरीत सुटल्या आहेत.
– स्पेनही गेल्या तेरा आंतरराष्टीय लढतींत अपराजित आहे.
जागतिक क्रमवारी ६ – स्पेन ७ – इटली
आमनेसामने ३७ लढती ११ – इटली ११ – स्पेन १५ – बरोबरी
दृष्टिक्षेप…
– युरो कपमध्ये इटली -स्पेन हे संघ सहा वेळा आमनेसामने. त्यात इटलीने दोन, तर स्पेनने एक विजय नोंदविला. तीन लढती बरोबरीत सुटल्या.
– सलग चौथ्या युरो कपमध्ये इटली-स्पेन संघ आमनेसामने आले आहेत. २००८ आणि २०१२ युरो कपमध्ये स्पेनने बाजी मारली, तर गेल्या अर्थात २०१६च्या युरो कपमध्ये इटलीने बाजी मारली.
– वेम्बली स्टेडियममध्ये ही उपांत्य लढत रंगणार आहे.
– माजी विजेता इटली संघ पाचव्यांदा युरो कपच्या उपांत्य लढतीत खेळणार आहे. यापूर्वीच्या चारपैकी तीन उपांत्य लढती इटलीने जिंकल्या होत्या, तर एक लढत गमावली होती.
– माजी विजेत्या स्पेनने आतापर्यंत युरो कपमध्ये खेळलेल्या चारही उपांत्य लढती जिंकल्या आहेत.
– गेल्या युरो कपमध्ये इटलीनेच स्पेनला जेतेपद राखण्यापासून रोखले होते. बाद फेरीत इटलीने स्पेनला हरविले होते.
वेळ : रात्री १२.३० पासून
ठिकाण : वेम्बली स्टेडियम, लंडन