मुंबई– लोकप्रिय बॉलिवूड अभिनेता रणवीर सिंग लवकरचं छोट्या पडद्यावर पदार्पण करणार आहे. कलर्स वाहिनीवरील ‘द बिग पिक्चर‘ या कार्यक्रमातून रणवीर प्रेक्षकांच्या भेटीला येणार आहे. या कार्यक्रमात स्पर्धकांना रणवीरच्या १२ प्रश्नांची योग्य उत्तरं द्यावी लागणार आहेत. अमिताभ बच्चन यांच्या ‘कौन बनेगा करोडपती’ कार्यक्रमाप्रमाणेच याही कार्यक्रमात स्पर्धकांना तीन लाइफलाइन दिल्या जातील. ‘द बिग पिक्चर’ कार्यक्रमात सहभागी होण्यासाठी स्पर्धकांचं रजिस्ट्रेशन सुरू झालं असून खाली दिलेल्या स्टेप्स फॉलो करून तुम्हीही या कार्यक्रमात सहभागी होऊ शकता.

दिशा परमारच्या मंगळसूत्राने वेधलं नेटकऱ्यांचं लक्ष, काय आहे खास

या कार्यक्रमात सहभागी होण्यासाठी तुम्हाला वुट अँप डाउनलोड करावं लागेल किंवा मायजीओ अँपवर लॉगइन करावं लागेल. त्यानंतर काही स्टेप्स फॉलो कराव्या लागतील.

पहिली स्टेप

कॉल फॉर एन्ट्रीज- अँपवर २६ जुलै पर्यंत दररोज सकाळी ९ वाजून ३० मिनिटांनी एक प्रश्न विचारला जाईल. या प्रश्नाचं उत्तर तुम्हाला २४ तासाच्या आत द्यावं लागेल.

दुसरी स्टेप

ऑनलाइन परीक्षा- ज्या प्रेक्षकांनी योग्य उत्तर दिल असेल त्यांपैकी काहींना पुढच्या फेरीमध्ये प्रवेश दिला जाईल. त्या प्रेक्षकांना कॉल केला जाईल आणि ऑनलाइन परीक्षा देण्याबद्दल संपूर्ण माहिती दिली जाईल. त्या प्रेक्षकांना ईमेल किंवा एसएमएसद्वारे परीक्षेची लिंक पाठवण्यात येईल. परीक्षेच्या दिवशी प्रेक्षकांना त्यांच्या मोबाइलवरून परीक्षेसाठी लॉगइन करावं लागेल. या प्रेक्षकांना २० प्रश्न विचारले जातील. प्रत्येक प्रश्नाला चार पर्याय दिले जातील. प्रत्येक प्रश्नासाठी फक्त २० सेकंदाची वेळ दिली जाईल. उत्तर दिल्यानंतर युझर्सना दुसऱ्या पेजवर नेण्यात येईल तिथे युझर्सना त्यांची माहिती सांगणारा व्हिडीओ द्यावा लागणार आहे.

तिसरी स्टेप

ऑनलाइन परीक्षेत पास होणाऱ्या प्रेक्षकांना दिल्ली, मुंबई, कोलकाता, भोपाळ, रांची, जयपूर, अहमदाबाद आणि लखनऊ येथे मुलाखतीसाठी बोलवण्यात येईल. जे प्रेक्षक या तिन्ही स्टेप्स योग्य प्रकारे पार करतील त्यांना रणवीरसोबत कार्यक्रमात सहभागी होण्याची संधी देण्यात येईल.

‘आमचं बाळ काय ढगातून पडलंय का?’ गरोदरपणावरून ट्रोल करणाऱ्यांना उर्मिला निंबाळकरचं उत्तर