राज्यात करोनाची साथ सुरू असून, दुसरी लाट अद्याप ओसरलेली नाही. केंद्रीय आरोग्य विभागाने करोना नियंत्रणाबाबत मार्गदर्शक सूचना केल्या आहेत. त्या सूचना लक्षात घेता सध्याच्या करोना साथीत पोटनिवडणूक घेणे योग्य होणार नाही, असे पत्रात नमूद केले आहे. तथापि, आयोगाने उचित निर्णय घ्यावा, असेही सरकारच्या वतीने या पत्रात स्पष्ट करण्यात आले आहे. त्यामुळे नजीकच्या काळात राज्यसभेची पोटनिवडणूक होण्याची शक्यता मावळली आहे.

कमी कालावधी मिळणार

राज्यसभेची जागा जास्तीत जास्त एक वर्षासाठी रिक्त ठेवता येते. दिवंगत राजीव सातव यांची मुदत मार्च २०२६ मध्ये संपणार होती. त्यामुळे सातव यांच्या जागी राज्यसभेवर निवडून जाणाऱ्या सदस्याला पोटनिवडणूक जेवढी लांबेल तेवढा राज्यसभा सदस्यत्वाचा कमी कालावधी मिळणार आहे.