मुंबई: ‘सुपर डान्सर ४’ कार्यक्रमात या आठवड्याला गायक कुमार सानू पाहुणे म्हणून सहभागी होणार आहेत. कार्यक्रमाचा प्रोमो सोशल मीडियावर चांगलाच व्हायरल झाला आहे. कुमार सानू यांच्यागाजलेल्या गाण्यांवर स्पर्धक डान्स सादर करतील. कुमार सानू देखील आपली काही लोकप्रिय गाणी गुणगुणताना दिसणार आहेत.

या भागात एक खास गोष्ट प्रेक्षकांना पाहायला मिळणार आहे. या भागात विश बाउलची गंमत असणार आहे, ज्यात शो मधील प्रत्येकाला आपल्या इच्छा पूर्ण झालेल्या दिसतील. टीव्हीवरची एक अत्यंत चंचल आणि चुणचुणीत परीक्षक शिल्पा शेट्टी हिने कुमार सानूकडे एक खास मागणी केली. या गाण्याची विनंती करताना तिनं आपला पती राज कुंद्रा याच्याबद्दल एक गंमतीशीर किस्सा सांगितला. तिने कुमार सानूला ‘कभी हाँ कभी ना’ चित्रपटातील ‘वो तो है अलबेला’ गाणे म्हणण्याची विनंती केली, जे राज कुंद्राचे देखील अत्यंत आवडते गाणे आहे.

‘राज अगदी सर्वगुणसंपन्न आहे, पण त्याला गाता येत नाही. माझ्या नवर्‍याने हे गाणं म्हणायला सुरुवात केली आणि मी हे पुरते ओळखले की,गाणी गाणं त्याचं काम नाही! त्यामुळे, मला आशा आहे की, हे गाणे खरे कसे म्हणायला हवे हे तो आज ऐकेल’, असं शिल्पा म्हणाली.
लॉकडाऊनमुळे शिल्पा शिंदे करतेय कंस्ट्रक्शनचं काम; व्हिडिओ शेअर करत म्हणाली…