‘राधे’ च्या टायटल ट्रॅकचा सोशल मीडियावर धुमाकूळ, पुन्हा दिसला भाईजानचा दबंग अवतार

मुंबई– बॉलिवूड अभिनेता सलमान खान मागील काही दिवसांपासून सोशल मीडियावर चर्चेत आहे. सलमानचा ‘राधे: युअर मोस्ट वॉण्टेड भाई‘ चित्रपट १३ मे रोजी ओटीटी आणि चित्रपटगृहांमध्ये प्रदर्शित होणार आहे. ईदच्या मुहूर्तावर प्रदर्शित होणाऱ्या चित्रपटाच्या ट्रेलरला चाहत्यांचा भरभरून प्रतिसाद लाभला होता. त्यानंतर चित्रपटातील ‘दिल दे दिया’ हे गाणंही प्रेक्षकांच्या भेटीला आलं होतं. या गाण्यानेही सोशल मीडियावर धुमाकूळ घातला होता. आता ‘राधे‘ चित्रपटाचं टायटल ट्रॅक प्रदर्शित करण्यात आलं आहे. प्रदर्शित होताच चाहत्यांमध्ये गाण्याची जोरदार चर्चा रंगली आहे.

करोना- वडिलांचं छत्र हरवलेल्या मुलाला सलमानची लाखमोलाची मदत

सलमानच्या इतर गाण्यांपेक्षा हटके असणाऱ्या या गाण्यात सलमान दाढीमध्ये दिसत आहे. सलमानच्या या लुकने चाहत्यांची मनं जिंकून घेतली आहेत. तर नेहमीप्रमाणे दिशा पाटनी तिच्या ग्लॅमरस आणि स्टायलिश अंदाजात दिसत आहे. ‘राधे’ चित्रपटाचं टायटल ट्रॅक साजिद यांनी लिहिलं असून त्यांनीच हे गाणं गायलं देखील आहे. तर साजिद- वाजिद यांनी गाण्याला संगीत दिल आहे. यापूर्वी चित्रपटातील ‘सीटी मार’ आणि ‘दिल दे दिया’ ही गाणी देखील प्रेक्षकांच्या भेटीला अली होती.

‘राधे: युअर मोस्ट वॉण्टेड भाई’ चित्रपट प्रभुदेवा यांनी दिग्दर्शित केला असून सलमान आणि दिशा सोबत रणदीप हुडादेखील चित्रपटात मुख्य भूमिकेत आहे. रणदीप चित्रपटात नकारात्मक भूमिका साकारत आहे. याशिवाय अभिनेते जॅकी श्रॉफ यांचीही चित्रपटात महत्त्वपूर्ण भूमिका आहे. सिद्धार्थ जाधव आणि प्रवीण तरडे यांसारखे मराठी कलाकारदेखील चित्रपटात त्यांच्या अभिनयाची छाप पाडताना दिसणार आहेत.

अली गोनीचं कुटुंब करोना पॉझिटिव्ह; लहान भाच्यांनाही झाली लागण