रुग्णास इंजेक्शन आणण्यास सांगणारे नेरूळचे सेक्टर १६मधील सनशाइन रुग्णालय, कोपरखैरणे सेक्टर १५मधील सिद्धिका नर्सिंग होम व सेक्टर १८मधील ओम गगनगिरी रुग्णालयांना महापालिका आयुक्त अभिजीत बांगर यांनी गुन्हा दाखल करण्याबाबत नोटीस बजावली असून वस्तुस्थितीदर्शक अहवाल सादर करण्याचे निर्देश दिले आहेत. या अहवालातील खुलासा असमाधानकारक असल्यास त्या रुग्णालयांवर भारतीय दंड संहिता तसेच साथरोग नियंत्रण कायदा अंतर्गत गुन्हा दाखल करण्यात येईल, असे सूचित करण्यात आले आहे.