रोजगार हमी योजना मंत्री भरत गोगावले यांनी घेतली केंद्रीय रेल्वेमंत्र्याची भेट – महासंवाद

नवी दिल्ली, दि. ३ : राज्याचे रोजगार हमी योजना मंत्री भरत गोगावले यांनी आज केंद्रीय रेल्वेमंत्री अश्विनी वैष्णव यांची संसद भवनात भेट घेतली. यावेळी श्री. गोगावले यांनी रायगड जिल्ह्यातील रेल्वे प्रश्नाबाबत केंद्रीय मंत्री श्री.वैष्णव यांच्याशी चर्चा केली. यावेळी खासदार संदीपान भुमरे उपस्थित होते.

श्री.गोगावले यांनी जिल्ह्यातील गोरेगाव स्टेशन व वामने स्टेशन येथील प्लॅटफॉर्मची उंची वाढवण्याबाबतचे आणि वीर स्टेशन येथे लांब पल्ल्याच्या गाड्या थांबविण्याबाबतचे निवेदन केंद्रीय रेल्वेमंत्री श्री. वैष्णव यांना दिले. यासह इतर अनुषंगिक विषयांबाबत चर्चा केली.

0000