मुंबई: बॉलिवूड अभिनेत्री मलायका अरोरा सोशल मीडियावर नेहमीच चर्चेत असते. ती तिचे व्यायाम करतानाचे फोटो आणि व्हिडीओ चाहत्यांसोबत शेअर करत असते. सोशल मीडियावर तिच्या चाहत्यांची संख्या लाखोंमध्ये आहे. असं असलं तरी तिला नेहमची ट्रोलिंगला सामोरं जावं लागतं. कधी तिच्या कपड्यांमुळे तर कधी तिच्या खासगी आयुष्यामुळे. आता पुन्हा एकदा ती नेटकऱ्यांच्या निशाण्यावर आली आहे.

पुन्हा एकदा करोनाचा प्रभाव वाढत असताना अनेक बॉलिवूड कलाकार लस घेतायत. मलायकानं देखील नुकताच करोना प्रतिबंधात्मक लशीचा दुसरा डोस घेतला. नेहमीच स्टायलिश लूकमध्ये दिसून येते. करोना लस घेण्यासाठी ती मुंबईतील महानगरपालिकेच्या केंद्रात आली होती. इथं देखील तिचा ग्लॅमरस अंदाज दिसून आला. अंगप्रदर्शन करणारे कपडे परिधान केल्यानं तिला सोशल मीडियावर चांगलंच ट्रोल करण्यात येत आहे. निदान अशा ठिकाणी जाताना तरी कसे कपडे परिधान करायचे याचा विचार करायला हवा, असं अनेकांनी म्हटलं आहे.

पहिला डोस घेतल्यानंतरही झाली होती ट्रोल
मलायकाने लशीचा पहिला डोस लस टोचून घेतानाचा फोटो तिच्या इन्स्टाग्राम अकाउंटवर शेअर केला होता. सोबत तिने लिहिलं होतं की, ‘मी करोना लसीचा पहिला डोस घेतला आहे, कारण या लढाईत आपण सोबत आहोत. चला योद्धयांनो या व्हायरसवर मात करून ही लढाई जिंकूया. लवकरच तुम्हीही तुमचा डोस घ्या, विसरू नका.’ सोबतच तिने त्या सर्व करोना योद्धयांचे आभार मानले ज्यांनी आतापर्यंत जनतेची सेवा केली. त्यांनी त्यांची जबाबदारी अगदी हसऱ्या चेहऱ्याने पार पाडल्याबद्दल मलायकाने त्यांचं कौतुक केलं. पोस्टच्या शेवटी तिने लिहिलं, ‘हो, करोना लस टोचून घेण्यासाठी दिलेल्या वयाच्या मर्यादेमध्ये माझं वय आहे.’
सोशल मीडियावर गायत्री दातारला ट्रोल करण्यापूर्वी १० वेळा करा विचार, कारण…