मुंबई– ओटीटी प्लॅटफॉर्मवर गाजणाऱ्या ‘द फॅमिली मॅन २‘ ने प्रेक्षकांच्या मनात स्थान निर्माण केलं आहे. बॉलिवूड अभिनेता मनोज बाजपेयी, अभिनेत्री प्रियामणी आणि अभिनेत्री सामंथा यांच्या उत्कृष्ट अभिनयाने सजलेली ही वेबसीरिज सध्या प्रेक्षकांमध्ये चर्चेचा विषय आहे. वेबसीरिजच्या पहिल्या सीजनमध्ये न दाखवलेल्या अनेक प्रश्नांची उत्तरं सीजन २ मध्ये प्रेक्षकांना मिळाली. परंतु, वेबसीरिज पाहून प्रेक्षकांना पडलेल्या प्रश्नांपैकी एक प्रश्न अजूनही अनुत्तरित राहिला. तो म्हणजे लोणावळ्यात काय झालं होतं. वेबसीरिजशी संबंधित असं गुपित जे जाणून घेण्यासाठी प्रेक्षक प्रचंड उत्सुक आहेत. आता वेबसीरिजचे निर्माते राज आणि डिके यांनी या गुपिताचा खुलासा केलं आहे.

पर्ल वी पुरी केस- निया शर्मानं देवोलिनीची मागितली माफी

अरविंदसोबत बिजनेस ट्रिपवर गेली होती सुचित्रा
‘द फॅमिली मॅन २’ मध्ये मनोज बाजपेयी यांनी श्रीकांत तिवारीचं पात्र साकारलं आहे. तर अभिनेत्री प्रियामणीने त्याच्या पत्नीचं सुचित्राचं पात्र साकारलं आहे. पहिल्या सीजनमध्ये सुचित्रा कामानिमित्त तिच्या ऑफिसमधील मित्र अरविंदसोबत लोणावळ्याला गेली होती. परंतु, दुसऱ्या सीजनमध्ये सुचित्रा आणि अरविंद एकमेकांना टाळताना दिसून आले. हे पाहून प्रेक्षकांच्या मनात सगळ्यात आधी हाच प्रश्न निर्माण झाला की, लोणावळ्यात असं काय घडलं? सुचित्राच्या वागण्यावरून प्रेक्षकांनी अनेक अंदाज लावले. काहींच्या मते सुचित्रा आणि अरविंद एकमेकांच्या जवळ आले असतील, सुचित्राने श्रीकांतला फसवलं असेल.

श्रीकांतसोबतच प्रेक्षकांना कळणार सत्य
अखेरीस वेबसीरिजच्या निर्मात्यांनी प्रेक्षकांना या गुपितांबद्दल का सांगण्यात आलं नाही याची पोलखोल केली आहे. वेबसीरिजचे निर्माते राज आणि डिके यांनी म्हटलं, ‘जोपर्यंत श्रीकांतला सुचित्राच्या या गुपिताबद्दल कळत नाही, तोपर्यंत श्रीकांतच्या अडचणी कमी आहेत. जसा या गुपितावरून पडदा उठेल श्रीकांतच्या अडचणीत आणखी वाढ होईल. आम्ही प्रेक्षकांनादेखील हे सत्य तेव्हाच सांगणार आहोत जेव्हा ते श्रीकांतला कळेल. आमच्यामते, प्रेक्षक आणि श्रीकांतला एकाच वेळेस हे सत्य समजलं पाहिजे नाहीतर तो श्रीकांतवर अन्याय होईल आणि हे गुपित आता सीजन ३ मध्ये सगळ्यांसमोर येईल.’

‘ते दोघे एकत्र’, विकी- कतरिनाच्या नात्यावर हर्षवर्धनचा खुलासा