मुंबई– बॉलिवूड अभिनेता विकी कौशल आणि अभिनेत्री कतरिना कैफ सध्या सोशल मीडियावर चर्चेत आहेत. त्याचं कारण म्हणजे विकी आणि कतरिनामध्ये सुरू असलेलं अफेअर. गेले अनेक महिने चाहत्यांमध्ये विकी आणि कतरिना एकमेकांना डेट करत असल्याच्या चर्चा सुरू होत्या. परंतु, विकी आणि कतरिना यांनी त्यांच्या नात्याबद्दल कोणतीही अधिकृत घोषणा केली नव्हती. परंतु, अभिनेते अनिल कपूर यांचा मुलगा हर्षवर्धन कपूर याने त्यांच्या नात्यावर शिक्कामोर्तब केल्यानंतर दोघांचेही चाहते आनंदित झाले आहेत. या बातमीनंतर सोशल मीडियावर सलमान खान आणि रणबीर कपूर यांच्यावरील मीम्सचा पाऊस पडत आहे.

‘माझे दागिने, पैसे त्याच्याकडेच’, नुसरत जहांचे नवऱ्यावर गंभीर आरोप

हर्षवर्धनने एका वृत्तवाहिनीला दिलेल्या मुलाखतीत कतरिना आणि विकी यांच्या नात्याबद्दल खुलासा केला होता. जेव्हा हर्षवर्धनला विचारण्यात आलं की, बॉलिवूडमध्ये अशी कोणती जोडी आहे जी दाखवते की ते रिलेशनशिपमध्ये नाहीयेत पण ते खरंच एकमेकांना डेट करत आहेत. तेव्हा हर्षवर्धन म्हणाला, ‘विकी आणि कतरिना एकत्र आहेत हे खरं आहे. मला वाटतं हे बोलल्यावर मी मोठ्या अडचणीत सापडणार आहे.’ हर्षवर्धनच्या या वक्तव्यानंतर विकी आणि कतरिनाचे चाहते प्रचंड उत्साहित झाले होते आणि त्यांनी त्यांचं प्रेम सोशल मीडियावर मीम शेअर करून व्यक्त केलं.

बॉलिवूड अभिनेता सलमान खान आणि रणबीर कपूर यांच्यावरील मीम्सने तर सोशल मीडियावर धुमाकूळ घातला आहे. यासोबतच सोशल मीडियावर विकी आणि कतरिना ट्रेण्ड करत आहे. सलमानसोबत कतरिनाने अनेक चित्रपटात काम केलं आहे. अनेकदा सलमान आणि कतरिनाच्या अफेअरच्या चर्चादेखील चाहत्यांमध्ये रंगल्या आहेत. त्यापूर्वी रणबीर आणि कतरिना एकमेकांना डेट करत होते त्यामुळे चाहत्यांनी रणबीरवर देखील निशाणा साधला आहे. रणबीरच्या ‘संजू’ चित्रपटातील मीमने तर प्रेक्षकांना पोट धरून हसायला भाग पाडलं आहे. आता विकीने रणबीरसोबत बदला घेतला असल्याचं युझर्सचं म्हणणं आहे.

तिसरं लग्नही मोडलं, अब्जाधीश किम कर्दाशियन स्वतःला म्हणते Loser