संजय नार्वेकर पुन्हा एकदा मराठी मालिकाविश्वात; या मालिकेत होणार एंट्री

मुंबई :’तुझ्या इश्काचा नादखुळा‘ या मालिकेनं अल्पावधीतच प्रेक्षकांची मनं जिंकली. मालिका आता अतिशय उत्कंठावर्धक वळणावर येऊन पोहोचली आहे. लवकरच मालिकेत इन्स्पेक्टर गौतम साळवी यांची एंट्री होणार आहे.

गौतम साळवी ही भूमिका नक्की कोण साकारणार याबद्दल प्रेक्षकांमध्ये उत्सुकता होती. गौतम साळवी यांच्या रुपात ज्येष्ठ अभिनेते संजय नार्वेकर यांची एंट्री होणार आहे. बऱ्याच वर्षांनंतर ते पुन्हा एकदा मराठी मालिकाविश्वात पदार्पण करत आहेत.
सुखी संसाराची २० वर्षे! सुबोध-मंजिरी भावे यांच्या लग्नाचे फोटो एकदा पाहाच!
इन्स्पेक्टर गौतम एक डॅशिंग, जबाबदार आणि प्रामाणिक पोलिस अधिकारी आहेत. मिश्किल आणि जिंदादील स्वभावाचा असा हा प्रामाणिक पोलिस अधिकारी आहे. प्रत्येक गोष्टीचा ते बारकाईने आणि खोलात जाऊन अभ्यास करतात. गौतम साळवीच्या येण्याने मालिकेत नेमका काय धमाका होतो याची गोष्ट पुढच्या भागांमधून उलगडेलच. पण स्वाती आणि रघूचं आयुष्य नव्या वळणावर येणार हे मात्र नक्की.