मुंबई : सुशांतसिंह राजपूत राठोडला जाऊन येत्या १४ जून रोजी एक वर्ष पूर्ण होणार आहे. सुशांतच्या पहिल्या स्मृतीदिनानिमित्ताने त्याच्या आठवणींना त्याचे चाहते उजाळा देत आहेत. आजही सुशांत आपल्यात नाही, या गोष्टीवर त्यांचा विश्वास बसत नाहीये. सुशांत अतिशय उत्साही आणि आयुष्य समरसून जगणारा होता. त्याने अनेक स्वप्न पाहिली होती आणि त्यातली काही स्वप्ने त्याने पूर्ण देखील केली होती. परंतु सुशांतच्या जाण्ययाने त्याच्या बकेट लिस्टमधील स्वप्न अपूर्णच राहिली.

काय इच्छा होत्या…

सुशांतच्या अशा जाण्यामुळे त्याच्या कुटुंबियांना आणि चाहत्यांना खूप मोठा धक्का बसला होता. आजही ते या धक्क्यातून सावरलेले नाहीत. त्याचा पहिला स्मृतीदिन जवळ येत आहे, तस तसे त्याचे चाहते सुशांतच्या आठवणींना उजाळा देत आहेत. सुशांतच्या अशाच एका चाहत्याने सोशल मीडियावर त्याच्या ५० इच्छांची यादी शेअर केली आहे. सुशांत सोशल मीडियावर सक्रीय असायचा. वेळ मिळेल तसा तो आपल्या चाहत्यांशी मनमोकळा संवादही साधायचा.

२०१९ मध्ये सुशांतने त्याच्या चाहत्यांशी साधलेल्या संवादावेळी त्याच्या इच्छांची यादी शेअर केली होती. ही यादी त्याने एका कागदावर हाताने लिहिली होती. या यादीवर ज्या इच्छा त्याला अग्रक्रमाने पूर्ण करायच्या आहेत त्या अधोरेखीत केल्या होत्या. या त्याच्या यादीमध्ये लहान-मोठ्या अशा अनेक गोष्टींचा समावेश होता. त्यामध्ये लेम्बोर्गिनी गाडीचा मालक होण्यापासून ते डबल-स्लिट प्रयोग करणे, १ हजार झाडे लावण्यापासून मोर्स कोडिंग शिकण्यापर्यंतच्या अनेक इच्छा होत्या.

सुशांतच्या स्वप्नांची यादी

विमान उडवायला शिकणे

आर्यमॅन ट्रायथलॉनाठी ट्रेन

डाव्या हाताने क्रिकेट खेळणे

मोर्स कोड शिकणे

मुलांना अंतराळाबद्दल जाणून घेण्यासाठी मदत करणे

चॅम्पियन्सबरोबर टेनिस खेळणे

फोर क्लॅप पुश-अप करणे

ब्लू होलमध्ये जाणे

डबल स्लिटचा प्रयोग करणे

१ हजार झाडे लावणे

दिल्लीमधील ज्या इंजिनीअरिंग कॉलेजमध्ये मी शिकलो तिथे एक संध्याकाळ घालवणे

इस्रोच्या कार्यशाळेत १०० मुलांना पाठवणे

कैलाशमध्ये जाऊन ध्यानधारणा करणे

पोकर विजेत्या स्पर्धकासोबत खेळणे

पुस्तकाचे लेखन करणे

औरोरा बोरेलिस रंगवणे

नासाच्या कार्यशाळेत सहभागी होणे

सहा महिन्यात सहा पॅक अॅब्स

सेनोट्समध्ये पोहणे

नेत्रहिन व्यक्तींना कोडिंग शिकवणे

जंगलात एक आठवडा घालवणे

वैदिक ज्योतिष शिकणे

डिस्नेलँडला जाणे

एलआयजीओला जाणे आणि तिथल्या इमारतींवरून सूर्यास्त पहाणे

नृत्याचे दहा वेगळे वेगळे प्रकार शिकणे

मोफत शैक्षणिक पुस्तकांसाठी प्रयत्न करणे

क्रिया योग पुरुष कमल स्थिती शिकणे

आत्मरक्षा मार्श आर्टचे शिक्षण वर्दीतील महिलांना देण्यासाठी मदत करणे

शेती करायला शिकणे

मुलांना डान्स शिकवणे

तिरंदाजी शिकणे

भौतिक विषयाची पुस्तके वाचणे

पॉलिनेशियन खगोलशास्त्र शिकणे

गिटार शिकणे आणि त्यावर ५० गाणी वाजवणे

जगज्जेत्यासोबत बुद्धीबळ खेळणे

लेम्बोर्गिनी गाडी विकत घेणे

भारतीय संरक्षण दलासाठी जाणाऱ्या विद्यार्थ्यांच्या तयारीसाठी मदत करणे

स्वामी विवेकानंदांवर एक वृत्तचित्र मालिका तयार करणे

एआई आणि एक्सपोनेंशियन टेक्नॉलॉजीमध्ये काम करणे

कौपोइरा शिकणे

ट्रेनने युरोपची सहल करणे

अशा काही इच्छांचा समावेश सुशांतच्या यादीमध्ये होता. सुशांतच्या यातील अनेक इच्छा अपूर्ण राहिल्या आहेत, याची खंत त्याच्या चाहत्यांना आहे.