मुंबई : सुशांतसिंह राजपूतच्या निधनाला आज एक वर्ष पूर्ण झाले. परंतु आजही तो आपल्यात नाही, यावर त्याच्या चाहत्यांचा विश्वासच बसत नाही. सुशांतचे असंख्य चाहते त्याच्या विविध आठवणींना उजाळा देत त्याला आदरांजली वाहत आहेत. तर सुशांतचे जवळचे मित्र-मैत्रिणी त्याच्यासोबतचे फोटो, व्हिडीओ शेअर करून त्याच्या आठवणींना उजाळा देत आहेत. यासर्वांमध्ये सुशांतची एक्स गर्लफ्रेंड, अभिनेत्री अंकिता लोखंडेने सुशांतच्या आठवणींना उजाळा देणारे दोन व्हिडीओ तिच्या इन्स्टाग्रामवर शेअर केले आहेत. हे दोन्ही व्हिडीओ पासून सुशांतचे चाहते आणखीनच भावूक झाले आहेत. यामधील सुशांतचे निर्मळ हसू, त्याचे स्वप्नाळू डोळे पाहून तो आपल्यात नाही, यावर त्यांचा अजूनही विश्वासच बसत नाही, अशा आशयाच्या प्रतिक्रिया अनेकांनी व्यक्त केल्याआहेत.

अंकिताने शेअर केले इमोशनल व्हिडीओ
बघता बघता सुशांतला जाऊन एक वर्ष झाले. या वर्षभरात असा एकही दिवस गेला नाही, की ज्या दिवशी अंकिताने सुशांतची आठवण काढली नाही. अंकिताने सुशांतच्या पहिल्या स्मृतीदिनानिमित्ताने खास व्हिडीओ चाहत्यांसोबत शेअर करत त्याच्या आठवणींना उजाळा दिला आहे.

अंकिताने तिच्या इन्स्टाग्रामवर जो पहिला व्हिडीओ शेअर केला त्यामध्ये तिने सुशांतसोबतचे अनेक फोटो शेअर केले आहेत. या फोटोंमध्ये हस-या चेह-याचा सुशांत, मित्रांसोबत मस्ती करणारा सुशांत दिसतो. याशिवाय या फोटोंमध्ये सुशांतचा टीव्ही ते सिनेमापर्यंतचा झालेला प्रवास दाखवला आहे. हा व्हिडीओ शेअर करताना अंकिताने लिहिले आहे, ‘ १४ जून…हा होता आपला प्रवास!!! जाता जाता पुन्हा भेटू या!’

अंकिताने दुसरा जो व्हिडीओ शेअर केला आहे, त्यामध्ये हे दोघेजण डान्स करताना दिसत आहेत. या व्हिडीओमध्ये सुशांत खूपच आनंदित दिसत असून अंकितासोबत छानपैकी डान्स करताना दिसत आहे. हा व्हिडीओ शेअर करताना अंकिताने लिहिले आहे, ‘ फक्त या आठवणी तू सोडून गेला आहेस… तुझ्यावर नेहमीच प्रेम करीन आणि तू सदैव आठवणीत असशील, दिवाळी २०११…’

दरम्यान, सुशांतच्या पहिल्या स्मृतीदिनानिमित्ताने अंकिताने तिच्या घरी पूजा ठेवली होती. त्याचे काही फोटो अंकिताने तिच्या इन्स्टाग्रामस्टोरीवर शेअर केले आहे. त्यामध्ये होमहवन होताना दिसत आहे आणि पार्श्वभूमीवर ओमकारचा नाद ऐकू येत आहे. या फोटोंमध्ये अंकिता कुठेही दिसत नाही. परंतु हे होमहवन तिच करत असेल अशी शक्यता वर्तवली जात आहे.

‘पवित्र रिश्ता’ या मालिकेतून सुशांत आणि अंकिताच्या प्रेमकथेला सुरुवात झाली होती. त्यांच्यातील हे नाते सहा वर्ष टिकले. या कालावधीत हे दोघेजण एकमेकांशी लग्न करतील, अशीच अपेक्षा सगळ्यांना होती. या दोघांची ऑनस्क्रीन आणि ऑफस्क्रीन जोडी सगळ्यांना खूप आवडली होती. ही जोडी खूपच लोकप्रिय झाली होती. दरम्यान, सुशांतने टीव्ही सोडून बॉलिवूडमध्ये जाण्याचा निर्णय घेतला आणि सहा वर्षांचे या दोघांचे नाते संपुष्टात आले.या दोघांचे ब्रेकअप झाल्यानंतरही ते एकमेकांचे चांगले मित्र होते…
सुशांतनं ज्या दिवशी केली होती शेवटची पोस्ट, त्याच दिवशी अंकिताने घेतलाय महत्त्वाचा निर्णय