सीतापूर : 

शाळेत किंवा घरात लहान मुली अभ्यासात हुशार असतील, तर त्यांना प्रोत्साहन मिळते. मात्र, उत्तरप्रदेशमध्ये उलटाच प्रकार घडला आहे. उत्तरप्रदेशच्या सीतापूरमध्ये इयत्ता आठवीत शिकणाऱ्या अल्पवयीन मुलीला अभ्यासात हुशार असल्याचा कारणामुळे भावाच्या अत्याचाराचा सामना करावा लागला आहे. या १६ 

र्षीय अल्पवयीन विद्यार्थींनीवर दोन चुलत भावांनी आणि तिच्या शिक्षकाने दोन वर्षे वारंवार सामूहिक बलात्कार केल्याची घटना उघडकीस झाली आहे. या सर्व आरोपींवर सीतापूर पोलिस ठाण्यात गुन्हा दाखल करण्यात आला आहे. 

या कृत्यात दोन्ही नराधम भावांना विद्यार्थींनीच्या शिक्षकांची मदत मिळाली होती. मुलीच्या कुंटुंबाच्या व्हाट्सअप ग्रुपवर तिचे व्हिडिओ पाठवल्याने ही घटना उघडकीस झाली. त्यानंतर शनिवारी या अल्पवयीन मुलीने पोलिस ठाण्यात गुन्हा दाखल केला. या मुलीवर दोन वर्षात तिच्या चुलत भावांनी आणि शिक्षकाने अनेकदा बलात्कार केल्याची माहिती अतिरिक्त पोलिस अधीक्षक मधुवन कुमार सिंह यांनी दिली. 

ही अल्पवयीन विद्यार्थीनी अभ्यासात हुशार असल्याने तिच्या चुलत भावांच्या मनात तिच्याबद्दल आकस होता. ही दोन्ही भावंडं त्यांचा शिक्षणातील अपयशाचा राग या मुलीवर काढत असल्याची प्राथमिक माहिती पोलिसांनी दिली. 

बेशुद्ध झाल्यावरही करायचे अत्याचार 

अल्पवयीन मुलगी बेशुद्ध झाल्यावरही तिचे चुलत भाऊ आणि शिक्षक वारंवार बलात्कार करायचे. तसेच त्यांनी तिचे अनेक व्हिडिओ बनवले आहे. हे सारं कृत्य तिला व्हिडिओ पाहिल्यावर समजले. 

आम्ही पीडित मुलीचे म्हणणे नोंदवले असून, लवकरच आरोपींना कोर्टात हजर करणार आहोत, अशी माहिती सीतापूर पोलिस अधीक्षक एल. आर. कुमार यांनी दिली.