मुंबई– गेल्या काही दिवसांत सोशल मीडियावर सगळ्यात जास्त चर्चेत असलेली जोडी म्हणजे अभिनेता विकी कौशल आणि अभिनेत्री कतरिना कैफ यांची. विकी आणि कतरिना यांच्यात नेमकं काय नातं आहे, हे जाणून घेण्यासाठी चाहते प्रचंड उत्सुक आहेत. विकी आणि कतरिनाला अनेकदा एकत्र पाहिलं जातं. ते डेटवर जाताना देखील दिसतात. परंतु, त्यांच्यातील कुणीही या नात्यावर फारसं काही बोलताना दिसत नाहीत. पण त्यांच्या वागण्यातून चाहत्यांनी विकी आणि कतरिना एकत्र असल्याचा अंदाज लावला होता. आता अभिनेता हर्षवर्धन कपूरने त्यांच्या नात्यावर शिक्कामोर्तब केलं आहे.

शाहरुख की सलमान? उत्तर देत विद्या बालनने केली युझरची बोलती बंद

बॉलिवूड अभिनेते अनिल कपूर यांचा मुलगा हर्षवर्धन कपूर याने टाइम्स ऑफ इंडियाला दिलेल्या एका मुलाखतीत विकी आणि कतरिनाच्या नात्याबद्दल खुलासा केला आहे. जिथे चाहते त्यांच्या आवडत्या जोडीबद्दल जाणून घेण्यासाठी उत्सुक आहेत तिथे हर्षवर्धनने त्यांची उत्सुकता न ताणता चाहत्यांच्या सगळ्या प्रश्नांची उत्तरं दिली. मुलाखतीत हर्षवर्धनला विचारण्यात आलं की, ‘हर्षवर्धन बॉलिवूडमधल्या कोणत्या कलाकार जोडीच्या अफेअरच्या चर्चांना खरं मानतो तसेच अशा कोणत्या जोड्या आहेत ज्या फक्त लोकप्रियता मिळवण्यासाठी आहेत?

या प्रश्नाचं उत्तर देताना हर्षवर्धन म्हणाला, ‘विकी आणि कतरिना एकत्र आहेत आणि हे खरं आहे.’ त्यानंतर बावचळून पटकन म्हणाला, ‘हे सांगून मी कोणत्या अडचणीत तर सापडणार नाहीए ना?’ हर्षवर्धनचं हे उत्तर ऐकून विकी आणि कतरिनाच्या चाहत्यांनी आनंद व्यक्त केला आहे. कतरिना आणि विकीचे चाहते त्यांना एकत्र पाहण्यासाठी नेहमीच उत्सुक असतात.

काही दिवसांपूर्वी विकी कतरिनाच्या घरी गेला होता. याचा एक व्हिडिओदेखील सोशल मीडियावर व्हायरल झाला होता. मागील वर्षी लॉकडाउनमध्ये विकी कतरिनाच्या घरी असल्याच्या चर्चा होत्या. त्यानंतर विकीने त्याला करोना झाल्याची घोषणा करताच दुसऱ्या दिवशी कतरिनानेदेखील तिला करोना झाल्याचे सांगितले होते. सगळ्या घटनांनंतर चाहत्यांनी विकी आणि कतरिनामध्ये नक्की काय नातं आहे हे शोधायला सुरुवात केली होती.

माय लेकींनी पहिल्यांदाच केलं एकत्र काम; सारा-अमृताचा ‘तो’ फोटो व्हायरल