११​वी समाजशास्त्राच्या पुस्तकात समलैंगिक विवाह, लिव्ह इन रिलेशनशीप

आतापर्यंत ११वी समाजशास्त्राच्या पुस्तकात कुटुंबाचे दोनच प्रकार विषद करण्यात आले होते. एक विभक्त दुसरे संयुक्त. आता मात्र या दोन प्रकारांसोबत, घटस्फोटित माता, समलैंगिक विवाह, लिव्ह इन रिलेशनशीप याही प्रकारांचा समावेश करण्यात आला आहे. बालभारतीने समाजशास्त्राचे हे पुस्तक जास्तीजास्त कालसुसंगत करण्याचा प्रयत्न केला आहे. 

गेल्या दोन दशकांमध्ये भारतीय समाजव्यवस्थेमध्ये बरेच बदल झाले आहेत. लिव्ह इन रिलेशनशीपचे प्रमाण खूप वाढले आहेत. घटस्फोटित महिला समर्थपणे त्यांच्या मुलांचे संगोपन करत आहेत. २०१८मध्ये समलैंगिक संबंधांनाही भारतात कायद्याने मान्यता मिळाली आहे. या पार्श्वभूमीवर ११वी समाजशास्त्राच्या पुस्तकात अनेक बदल बालभारतीने केले आहेत. एका इंग्रजी वर्तमानपत्राने दिलेल्या वृत्तानुसार गतिमान समाजव्यवस्थेचे प्रतिबिंब अभ्यासक्रमात पडावे हे ध्येय डोळ्यासमोर ठेवून बालभारतीने या संकल्पनांचा समावेश ११वी समाजशास्त्राच्या पुस्तकात केला आहे. तसंच विवाहाचं वाढतं वय, घटस्फोटांचे वाढते प्रमाण याची कारणमिमांसाही या पुस्तकात करण्यात आली आहे. 

लिव्ह इन रिलेशनशीपही युरोपमध्ये प्रचलित असून आता भारतातील शहरी भागात देखील लिव्ह इन रिलेशनशीपचे प्रमाण वाढते आहे असं या पुस्तकात सांगण्यात आलं आहे. ११वीच्या पुस्तकात पहिल्यांदाच अनेक आधुनिक संकल्पना समाविष्ट केल्यामुळे बालभारतीचे कौतुकही करण्यात येतं आहे.