नाशिकरोड : उपनगर परिसरात जुन्या भांडणाची कुरापत काढून एका टोळक्याने भावा-बहिणीस बेदम मारहाण केली. उपनगर पोलिस ठाण्यात गुन्हा दाखल करण्यात आला आहे. सचिन ओमचंद काकडा (वय २०, रा. मनपा बिल्डिंग, महाराष्ट्र हायस्कूलजवळ, उपनगर) यांनी दिलेल्या तक्रारीनुसार बहीण वर्षा, दीपा व कविता या घराजवळ उभ्या असताना अमन लोट, आकाश लोट, अन्नू रिडलॉन, संदेश रिडलॉन, सल्लू रिडलॉन आदींनी मागील भांडणाची कुरापत काढली. सचिन त्यांना समजावून सांगत असताना, त्यांनी शिवीगाळ करीत बेदम मारहाण केली.