मुंबई, दि. 17 : माहिती व जनसंपर्क महासंचालनालय निर्मित ‘दिलखुलास’ या कार्यक्रमात  केंद्रीय लोकसेवा आयोगाच्या नागरी सेवा परीक्षेत यश मिळविलेल्या अक्षय वाखारे यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर सोमवार दि. 20 जून व मंगळवार 21 जून 2022 रोजी सकाळी 7.25 ते 7.40 या वेळेत प्रसारित होईल. ज्येष्ठ पत्रकार प्रफुल्ल साळुंखे यांनी ही मुलाखत घेतली आहे.

महाराष्ट्राच्या ग्रामीण भागातील विद्यार्थी आता प्रशासकीय सेवेची स्वप्ने पाहत आहेत. ही स्वप्ने पूर्ण करण्यासाठी ते अपार कष्टही घेत आहेत. अभियांत्रिकीचे शिक्षण घेत असतानाच लोकसेवा आयोगाच्या परीक्षेचा अभ्यास सुरू करणाऱ्या नाशिकच्या श्री. वाखारे यांनी लोकसेवा आयोगाच्या परीक्षेची तयारी, त्याबाबत त्याला मिळालेले मार्गदर्शन आणि त्याची भविष्यातील स्वप्नांविषयी दिलखुलास कार्यक्रमात सविस्तर माहिती दिली आहे.

०००