मुंबई, दि. 20 : माहिती व जनसंपर्क महासंचालनालय निर्मित ‘दिलखुलास‘ आणि ‘जय महाराष्ट्र‘ कार्यक्रमात ‘नमो महा रोजगार मेळावा‘ या विषयावर महाराष्ट्र राज्य नाविन्यता सोसायटीच्या आयुक्त निधी चौधरी यांची मुलाखत प्रसारित होणार आहे.

            नोकरीच्या शोधात असलेल्या तरुण-तरुणींसाठी राज्य शासनामार्फत सातत्याने राज्यस्तरीय महारोजगार मेळाव्याचे आयोजन करण्यात येत आहे. त्याअनुषंगाने कौशल्य, रोजगार, उद्योजकता व नाविन्यता विभागामार्फत बेरोजगार युवक तसेच नव उद्योजकांच्या कल्पनांना चालना देण्यासाठी आणि नोकरी इच्छुक उमेदवारांना रोजगार मिळावा यासाठी ठाणे जिल्ह्यातही ठाणे विभागस्तरीय नमो महा रोजगार मेळाव्याचे आयोजन करण्यात आले आहे. या मेळाव्यामध्ये नोकरी इच्छुक युवक, युवतींनी मुलाखतीसाठी आणि महा एक्सपो मध्ये स्टार्टअप्स, इनोव्हेटर्स व इंक्युबेटर्स या सर्वांनी सहभागी व्हावे, असे आवाहन आयुक्त श्रीमती चौधरी यांनी ‘दिलखुलास‘ आणि ‘जय महाराष्ट्र‘ कार्यक्रमातून केले आहे.

            ‘दिलखुलास‘ कार्यक्रमात आयुक्त, श्रीमती चौधरी यांची मुलाखत बुधवार दि. 21 आणि गुरुवार दि. 22 फेब्रुवारी 2024 रोजी आकाशवाणीच्या सर्व केंद्रावरून व ‘न्यूज ऑन एआयआर’ या मोबाईल ॲपवर सकाळी 7.25 ते 7.40 या वेळेत प्रसारित होणार आहे. तर ‘जय महाराष्ट्र’ कार्यक्रमात ही मुलाखत गुरुवार दि. 22 फेब्रुवारी 2024 रोजी सायंकाळी 7.30 वा. महासंचालनालयाच्या समाजमाध्यमांच्या पुढील लिंकवर ऐकता येणार आहे. निवेदक सुषमा जाधव यांनी ही मुलाखत घेतली आहे.

महासंचालनालयाच्या समाजमाध्यमांच्या लिंक

एक्स – https://twitter.com/MahaDGIPR

फेसबुक – https://www.facebook.com/MahaDGIPR

यू ट्यूब – https://www.youtube.co/MAHARASHTRADGIPR

0000