नाशिकरोड : सामनगाव आणि कोटमगाव येथे एकाच रात्री तीन ठिकाणी चोरीच्या घटना घडल्या. या घटनेत १ लाख ३८ हजारांचा मुद्देमाल चोरट्यांनी लंपास केला. चोरीस गेलेल्या मुद्देमालात दागिने, रोख रक्कम, दुचाकी वाहन आणि ट्रकच्या बॅटरीचा समावेश आहे. तुकाराम जगताप (वय ५०, रा. जुने सामनगाव) यांनी नाशिकरोड पोलिस ठाण्यात फिर्याद दिली. याशिवाय कोटमगाव येथील सामनगाव रोडवर वास्तव्यास असणारे रमेश घुगे यांच्या वाळू वाहतूक करणाऱ्या हायवे ट्रकच्या तीन हजारांच्या दोन बॅटऱ्यादेखील चोरीस गेल्या आहेत. कोटमगावातीलच रामदास घुगे यांच्या घरीही घरफोडी झाली आहे. मात्र अद्याप नाशिकरोड पोलिस ठाण्यात फिर्याद देण्यात आलेली नाही.