नाशिक: न्यायालयातील कागदपत्रांना आग लावण्यात आल्याचा धक्कादायक प्रकार आज सकाळी उघडकीस आला. यामध्ये न्यायालयातील एका टेबलवरील सुमारे १५ ते २० फाईल जळाल्याचे निदर्शनास आले आहे
पोलीस प्रशासनाकडून जिल्हा न्यायालयाने ताब्यात घेतलेल्या बिल्डिंगमध्ये सुरू असलेल्या प्रथम वर्ग न्यायालयात आज पहाटे हा प्रकार घडला. यामध्ये न्यायालयातील एका टेबलवरील सुमारे १५ ते २० फाईल जळाल्याचे निदर्शनास आले आहे.
या न्यायालयीन इमारतीची खिडकी फोडून खिडकीतून आत रॉकेल ओतून या कागदांना आग लावण्यात आल्याचे पोलिसांनी केलेल्या पाहणीत समोर आले. सकाळी १० वाजता शिपायाने न्यायालय उघडताच हा प्रकार उघडकीस आला. त्यानंतर तातडीने अग्निशमन दलाला आग विझवण्यासाठी पाचारण करण्यात आले. अग्निशमन दलाचे अधिकारी घटनस्थाळी पोहोचल्यावर आग विझवण्यात आली.