वाचा:भारतावर करोनाचे महासंकट: जगभरातील भारतीय मदतीसाठी सरसावले

करोनाऐवजी पंतप्रधान मोदींचे निवडणुकीला प्राधान्य

बंगाली भाषिक वृत्तपत्रांनी ममता बॅनर्जी यांच्या विजयाला प्रमुख स्थान दिले आहे. पश्चिम बंगालच्या निवडणुकीच्या दरम्यान पंतप्रधान नरेंद्र मोदी बांगलादेशच्या दौऱ्यावर गेले होते. या दौऱ्यात त्यांनी मतुआ समुदायासाठी पवित्र असणाऱ्या मंदिराला भेट दिली होती. ही भेट म्हणजे पश्चिम बंगालमधील मतुआ समुदायावर प्रभाव टाकण्यासाठी होती असाही आरोप झाला होता. मतुआ समुदायाची मते काही मतदारसंघात निर्णायक होती.

वाचा: विधानसभा निवडणूक २०२१ : कोण जिंकलं? कोण पराभूत? चर्चित चेहरे

अल जझिरानेही पश्चिम बंगालमधील विजयावर भाष्य केले आहे. भारतात करोना महासाथीने जोर पकडला असताना दुसरीकडे पश्चिम बंगालच्या निवडणुकीत ममता बॅनर्जी यांनी भाजपचा पराभव केला असल्याचे अल जझिराने म्हटले. पंतप्रधान नरेंद्र मोदी यांनी करोना महासाथीवर लक्ष केंद्रीत करण्याऐवजी निवडणुकीवर लक्ष केंद्रीत केले. त्यावरूनही त्यांच्यावर टीका होत असल्याचे अल जझिराने म्हटले.

वााचा: करोनाचा धसका; इस्रायलमधून भारतासह सहा देशात प्रवास करण्यास बंदी

बीबीसीनेही यावर भाष्य केले आहे. भारतात करोनाबाधितांच्या मृतांचे उच्चांक गाठले जात असताना दुसरीकडे पंतप्रधान नरेंद्र मोदी यांच्या पक्षाला पश्चिम बंगालमध्ये अपयश आले आहे. निवडणुकीदरम्यान भाजपने पश्चिम बंगालमध्ये आपली पूर्ण ताकद झोकून दिली होती. मात्र, ममता बॅनर्जी यांनी त्यांचा पराभव केला.