मुंबईः पश्चिम बंगाल निवडणुकीच्या निकालावर प्रतिक्रिया देताना राष्ट्रवादी काँग्रेसचे नेते छगन भुजबळ यांनी ममना बॅनर्जींचा उल्लेख झाशीची राणी असा केला होता. भुजबळांच्या या विधानावर संतप्त झालेल्या चंद्रकांत पाटील भुजबळांना थेट धमकीच दिली होती. छगन भुजबळ यांनीही आता चंद्रकांत पाटलांना उत्तर दिलं आहे.

पश्चिम बंगालच्या निवडणुकीनंतर छगन भुजबळांनी केलेल्या विधानानंतर चंद्रकांत पाटील यांनी भुजबळ जामीनावर सुटले आहेत. अजून निर्दोष सिद्ध झाले नाहीत. त्यामुळं फार जोरात बोलू नका, अन्यथा फार महागात पडेल, अशी धमकीच दिली आहे. चंद्रकांत पाटलांच्या या धमकीवर आता छगन भुजबळ यांनी प्रत्युत्तर दिलं आहे.

‘भारतनाना माफ करा, सैनिकांच्या पत्नीचा अपमान करणारी प्रवृत्ती जिंकली’

छगन भुजबळ म्हणाले की, ‘चंद्रकांत पाटील यांनी पराभवसुद्धा सहन करण्याची शक्ती ठेवली पाहिजे. दुर्दैवानं वारंवार त्यांना पराभवाचे फटके बसणार आहेत. त्यामुळं पराभव सहन करण्याची शक्ती ठेवून त्यांनी थोडं सांभाळून बोललं पाहिजे,’ असा इशारा छगन भुजबळ यांनी दिला आहे.

‘भुजबळांच्या पुतण्याला जामीन मिळवण्यासाठी विनवणी करत होता असं चंद्रकांत पाटील म्हणाले. पण माझा पुतण्या म्हणजे कोण? समीर भुजबळला माझ्या दोन महिने आधी जेलमध्ये टाकलं होतं. मग तो कसा जाईल यांच्याकडे?, तसंच, माझा मुलगा पंकजलाही समन्स बजावल्याने तोही कधी त्यांच्याकडे गेला नाही. मग यांनी कोणता पुतण्या शोधून काढला?’ असा सवाल चंद्रकांत पाटील यांनी केला आहे.

‘मोदी- शहांकडे निवडणुका जिंकण्याचे तंत्र, पण ते अजिंक्य नाहीत’

‘मला अटक होण्याच्या दोन महिने आधी अटक होणार असल्याचं सांगितलं. यानंतर अनिल देशमुखांचं सांगितलं आणि परब यांचं नाव घेत आहेत. म्हणून हे घडवून आणत आहेत,’ अशी शंका भुजबळांनी व्यक्त केली आहे.