नवी दिल्ली :पश्चिम बंगाल विधानसभा निवडणूक २०२१ चा निकाल रविवारी स्पष्ट झालाय. यामध्ये भाजपच्या सालतोरा मतदारसंघातील उमेदवार चंदना बाऊरी यांचा विजय झाल्याचं स्पष्ट झालंय.चंदना यांनी तृणमूल काँग्रेसच्या उमेदवार संदीप मंडल यांचा ४००० हून अधिक मतांनी पराभव केलाय.

सालतोरा मतदारसंघात गेल्या दोन वेळेस तृणमूल काँगेसचे स्वपन बारुई यांनी विजय मिळवला होता. यंदा तृणमूलनं संतोष मंडल यांना या मतदारसंघात संधी दिली होती. या विजयानंतर चंदना बाऊरी यांच्यावर शुभेच्छांचा आणि कौतुकाचा वर्षाव होतोय.

वाचा :विधानसभा निवडणूक २०२१ : कोण जिंकलं? कोण पराभूत? चर्चित चेहरे

नंदीग्राममध्ये पराभवानंतरही ममता मुख्यमंत्री होणार? जाणून घ्या नियम…
Assembly Elections 2021: तृणमूल काँग्रेसच्या ‘दिवंगत’ उमेदवारानं जिंकली विधानसभा निवडणूक!

३० वर्षीय चंदना या अत्यंत सामान्य कुटुंबाशी निगडीत आहेत. संपत्तीच्या नावावर त्यांच्याकडे केवळ एक झोपडी आणि काही पैसे आहेत. चंदना यांना तीन मुलं आहेत. निवडणुकीच्या शपथपत्रात केलेल्या उल्लेखानुसार, चंदना यांच्याकडे केवळ ३१,९८५ रुपयांची संपत्ती आहे. तर त्यांच्या पतीकडे ३०,३११ रुपयांची संपत्ती आहे. त्याचे पती राज हे मिस्त्री म्हणून काम करतात. या दाम्पत्याकडे तीन बकऱ्या आणि तीन गायी आहेत. चंदना यांच्या घरात शौचालयदेखील नाही. परंतु, आपल्या पक्षाच्या प्रती इतक्या समर्पित आहेत की निवडणूक काळात कमळाची प्रिंट असलेली भगव्या रंगाची साडी परिधान करून त्या दररोज प्रचारासाठी फिरताना दिसल्या.

तिकिटांची घोषणा होईपर्यंत मला हेदेखील माहीत नव्हतं की मलाही उमेदवारी मिळणार आहे. परंतु, अनेक लोकांनी मला उमेदवारी अर्ज ऑनलाईन दाखल करण्यासाठी मला प्रोत्साहन दिलं. त्यानंतर मी निवडून येईल हे मला निश्चित सांगता आलं नसतं, अशी प्रतिक्रिया चंदना यांनी एएनआयशी बोलताना व्यक्त केली.

Oxygen Crisis: कर्नाटकात ऑक्सिजनअभावी २४ रुग्णांचा मृत्यू, मुख्यमंत्र्यांनी बोलावली बैठक
Covid19: देशात २४ तासांत ३ लाख ६८ हजार १४७ रुग्ण दाखल, ३४१७ मृत्यू