[ad_1]
हायलाइट्स:
- भारत आणि ब्राझीलमध्ये करोनाचे थैमान
- या दोन्ही देशांच्या राजकीय नेतृत्व अपयशी ठरल्याची टीका
- आंतरराष्ट्रीय वैद्यकीय नियतकालिक ‘नेचर’च्या संपादकीयात टीका
शास्त्रज्ञांकडे केले दुर्लक्ष
‘नेचर’ने म्हटले की, भारत आणि ब्राझीलमधील राजकीय नेतृत्व अपशी झाले अथवा त्यांनी शास्त्रज्ञांनी दिलेल्या सल्ल्याकडे दुर्लक्ष केले असावे. त्याच्या परिणामी लाखो लोकांच्या आयुष्यावर थेट परिणाम झाला आहे. ब्राझीलचे राष्ट्रपली बोल्सनारो यांच्यावरही निशाणा साधण्यात आला आहो. बोल्सनारो यांनी करोनाच्या आजाराला एक किरकोळ ताप असल्याचे म्हटले. त्यांनी मास्क आणि सोशल डिस्टेंसिंग सारख्या वैज्ञानिक सल्ल्यालादेखील मान्य करण्यास नकार दिला. न
वाचा: करोनाने भारताची आरोग्य व्यवस्था कोलमडली, जगासमोर परराष्ट्र मंत्र्यांची कबुली
वाचा:चांगली बातमी! ‘या’ देशात अल्पवयीन मुलांच्या लसीकरणास मंजुरी
भारतावरही टीका
‘नेचर’ने भारताबाबत कठोर टीका केली आहे. भारतातील राजकीय नेतृत्वाने आवश्यकतेनुसार काम केले नसल्याचा आरोप करण्यात आला आहे. करोना महासाथीच्या काळात लोकांना एकत्र येण्यासाठी परवानगी देण्यात आली. काही प्रकरणांत अधिकाधिक गर्दी जमवण्यासाठीच नेत्यांनी प्रोत्साहन दिले. नेचरच्या संपादकीयामधील या टीकेचा रोख निवडणूक प्रचार सभांकडे असल्याचे म्हटले जाते.
वाचा: …तर भारतात तीन महिन्यात करोना बळींची संख्या १० लाखांवर!
ट्रम्प यांचे दिले उदाहरण
‘नेचर’ने अमेरिकेचे मागील राष्ट्राध्यक्ष डोनाल्ड ट्रम्प यांचे उदाहरण दिले. ट्रम्प राष्ट्राध्यक्ष असताना त्यांनीदेखील करोनाच्या संकटाशी दोन हात करताना बेजबाबदारपणा दाखवला होता. त्यांच्या निवडणूक प्रचार सभांमध्येही मोठ्या प्रमाणावर गर्दी होती. या सभांमध्ये सोशल डिस्टेंसिंगच्या नियमांची पायमल्लीच झाली होती. त्याचा परिणाम काय झाला हे जगाने पाहिले आहे. अमेरिका करोनाच्या थैमानाशी झुंजत आहे. जगात सर्वाधिक करोनाबाधित अमेरिकेत असून पाच लाख ७० हजार जणांचा करोनाने मृत्यू झाला आहे.
[ad_2]
Source link