मुंबई : समाजात सकारात्मक बदल आणण्यासाठी समाज, सरकार आणि स्थानिक प्रशासनाला सहकार्य करणाऱ्या बजाज समूहाने पुन्हा एकदा आपली सामाजिक बांधिलकी जपली आहे. देशात सध्या सुरु असलेल्या करोनाच्या दुसऱ्या लाटेला रोखण्यासाठी सरकारच्या प्रयत्नांना बजाज समूहाने आर्थिक बळ दिले आहे. बजाज समूहाने करोना लढ्यासाठी २०० कोटींचे अतिरिक्त सहाय्य दिले आहे.

शेअर बाजार तेजीत ; सेन्सेक्स-निफ्टी वधारले, डाॅलरसमोर रुपया सावरला
मागील १३० वर्षांपासून बजाज समूहाने समाज परिवर्तनासाठी सरकारची सोबत केली आहे. सध्याच्या कोविड-१९ विरोधातील लढ्यात आपणही अभूतपूर्व पद्धतीने पुढाकार घेण्याची गरज आहे. देशातील प्रत्येक व्यक्तीला आरोग्यसुविधा आणि आयुष्यातील इतर आवश्यक गोष्टी उपलब्ध होतील याची खातरजमा आपण करायला हवी. या संकटाच्या दुसऱ्या लाटेचे गांभीर्य पाहता बजाज समूहाने कोविड-१९ च्या लढ्यात साह्य म्हणून अतिरिक्त २०० कोटींचे आर्थिक साह्य देण्याचा निर्णय घेतला आहे. या आर्थिक साह्यातून प्रत्यक्ष आव्हानात्मक स्थितीसाठी वापरता येईल तसेच तिसऱ्या लाटेचा सामना करण्यासाठी विविध क्षमता आणि स्रोत निर्मितीसाठीही हा निधी वापरला जाईल, असे समूहाने म्हटलं आहे.

इंधन भडका ; सलग तिसऱ्या दिवशी पेट्रोल-डिझेल महागले
नुकताच बजाज समूहाने १२ ऑक्सिजन प्लांटच्या खरेदीत साह्य केले होते. यामुळे ऑक्सिजन कॉन्सन्ट्रेटर्स, वेंटिलेटर्स आणि BiPaps यासारख्या सुविधांमध्ये सुधारणा करून कोविड-१९ रुग्णांना बरे करण्याच्या त्यातील क्षमता वृद्धिंगत केल्या जातील तसेच ग्रामीण आणि शहरी हास्पिटलमध्ये ५००० LPM हून अधिक ऑक्सिजन पुरवठा करता येईल.

कमॉडिटी बाजारात पडझड सुरुच ; सोने आणि चांदीच्या किमतीत पुन्हा झाली घसरण
भारतातील कोविड-१९ लढ्यासाठी मागील वर्षी बजाज समूहाने १०० कोटींचा निधी दिला होता.त्यानंतर आता हा अतिरिक्त निधी देण्यात येत आहे. सरकार, स्थानिक प्रशासन आणि आमचे २०० हून अधिक सामाजिक संस्थांचे (एनजीओ) भागीदारांचे जाळे यांच्यासोबत काम करून आम्ही विविध प्रकल्पांना साह्य केले आहे.

करोनाविरुद्धच्या युद्धात RBI ची उडी; कर्जदारांसह अर्थव्यवस्थेसाठी केल्या मोठ्या घोषणा
गरजूंना योग्य साह्य आणि पाठबळ मिळावे यासाठी आम्ही विविध उपक्रमांना साह्य केले आहे. अडकून पडलेल्या स्थलांतरितांना अन्न पुरवणे, शहरी आणि ग्रामीण आरोग्य सुविधांमध्ये सुधारणा, महत्त्वाची वैद्यकीय उपकरणे पुरवणे आणि परत येणाऱ्या स्थलांतरितांसाठी रोजगार अशा उपक्रमांचा यात समावेश आहे.

सध्याच्या उपक्रमांसोबतच बजाज समूह स्थानिक प्रशासन आणि एनजीओ भागीदारांसोबत ग्रामीण, निमशहरी आणि शहरी आरोग्यसुविधा अधिक चांगल्या करण्यासाठी, कोविड-१९ च्या उपचारांसाठी ऑक्सिजन आणि महत्त्वाचा वैद्यकीय पुरवठा उपलब्ध करून देणे आणि कोविड-१९ संदर्भातील योग्य वर्तन यासंदर्भात जनजागृती तसेच समाजातील अत्यंत वंचित आणि अरक्षित गटात लसीकरण मोहिमेला पाठबळ देणे यासाठी आम्ही प्रयत्नशील आहोत , असे मत बजाज समूहाचे प्रमुख राहुल बजाज यांनी सांगितले.

या विषाणूचा प्रसार रोखण्यासाठी अनेक आव्हानांना सामोरे जात आरोग्यसुविधा, स्वच्छता आणि तातडीच्या सेवेतील सर्व स्टाफ आणि स्थानिक प्रशासनाला ते अथकपणे करत असलेल्या प्रयत्नांबद्दल बजाज समूह धन्यवाद देतो. सध्या देश या संकटाच्या दुसऱ्या लाटेचा सामना करत आहे. या परिस्थितीत एक समूह म्हणून आम्ही आमच्या समुदायांसोबत ठाम उभे आहोत आणि आम्ही त्यांना पाठबळ देण्याची, यासंकटाचा परिणाम झालेल्या समुदायाची काळजी घेण्याची आमची बांधिलकी आम्ही या अनिश्चित काळातही जपत आहोत, असे राहुल बजाज यांनी सांगितले.