मुंबई : देशात बुधवारी करोना रुग्णसंख्येने चार लाखांची धोकादायक पातळी ओलांडली. त्याआधी मंगळवारी ३ लाखांहून अधिक रुग्ण वाढले धास्तावलेल्या गुंतवणूकदारांनी सुरक्षित गुंतवणूक पर्याय म्हणून सोन्याकडे धाव घेतली आहे. मागील दोन सत्रात स्वस्त होणाऱ्या सोने आणि चांदीच्या दरात आज मोठी वाढ झाली आहे. सोने दरात २०० रुपयांची तर चांदीमध्ये ७५० रुपयांची वाढली आहे.

शेअर बाजार तेजीत ; सेन्सेक्स-निफ्टी वधारले, डाॅलरसमोर रुपया सावरला
मल्टी कमॉडिटी एक्सचेंजवर आज गुरुवारी सोन्याचा भाव १६५ रुपयांनी वाढला आहे. सध्या १० ग्रॅम सोन्याचा भाव ४७१६५ रुपये आहे. चांदीमध्ये देखील ७५२ रुपयांची वाढ झाली आहे. एक किलो चांदीचा भाव ७०३७१ रुपये इतका झाला आहे. यापूर्वी बुधवारी सोने ६० रुपयांनी स्वस्त झाले होते. तर मंगळवारी सोन्याचा भाव तब्बल ३२९ रुपयांनी घसरला होता आणि चांदीमध्ये ५५० रुपयांची घसरण झाली होती.

इंधन भडका ; सलग तिसऱ्या दिवशी पेट्रोल-डिझेल महागले
देशात बुधवारी (५ मे २०२१) एकूण ४ लाख १२ हजार २६२ करोनाबाधित रुग्ण आढळले आहेत तर मंगळवारी ३ लाख ८२ हजार ३१५ करोनाबाधित रुग्ण आढळले होते. त्यामुळे गुंतवणूकदार सावध झाले आहेत. आर्थिक अनिश्चितता वाढली तर भांडवली बाजारात घसरण होण्याची शक्यता आहे. त्यामुळे त्यांनी भांडवली बाजाराऐवजी सोने गुंतवणुकीला प्राधान्य दिले असल्याचे कमॉडिटी विश्लेषकांचे म्हणणे आहे.

Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४४२९० रुपये आहे तर २४ कॅरेटचा भाव ४५२९० रुपये आहे. दिल्लीत आजचा २२ कॅरेट सोन्याचा भाव ४६०० रुपये झाला आहे. २४ कॅरेटसाठी सोन्याचा भाव ४९७४० रुपये आहे. आज चेन्नईत २२ कॅरेटसाठी ४४५०० रुपये तर २४ कॅरेट सोन्याचा भाव ४८४९० रुपये आहे. कोलकात्यात २२ कॅरेट सोन्याचा भाव ४६३४० रुपये असून २४ कॅरेट सोन्याचा भाव ४९१३० रुपये आहे.

कमॉडिटी बाजारात पडझड सुरुच ; सोने आणि चांदीच्या किमतीत पुन्हा झाली घसरण
जागतिक बाजारात सोने आणि चांदीच्या किमतीवर दबाव दिसून आला.बुधवारी कॉमेक्सवर सोन्याचा भाव १७८५ डॉलर प्रती औस इतका होता. त्यात ०.५ टक्के वाढ झाली. तर चांदीचा भाव २६.५२ डॉलर प्रती औंस इतका होता.