मुंबई : ‘पीपीएफएएस’ म्युच्युअल फंडाने पराग पारीख कंझर्वेटिव हायब्रिड फंड योजनेची घोषणा केली. या योजनेचे उद्दिष्ट प्रामुख्याने डेट व मनी मार्केट उत्पादनांमध्ये गुंतवणुकीच्या माध्यमातून नियमित उत्पन्न निर्माण करणे हे आहे. एकूण गुंतवणूकीचा एक भाग इक्विटी व इक्विटीशी संबंधित उत्पादने तसेच रिअल इस्टेट इन्व्हेस्टमेंट ट्रस्ट्स/इन्फ्रास्ट्रक्चर इन्व्हेस्टमेंट ट्रस्ट्समध्ये (आरईआयटीज/इनव्हीटीज) गुंतवून उत्पन्न निर्माण करणे व भांडवल अधिमूल्यनाचाही प्रयत्न ही योजना करणार आहे.

देशात करोनाचा कहर; सोने-चांदीचा यू-टर्न, सोने दरात झाली मोठी वाढ
ही गुंतवणूक योजना ७ मे २०२१ रोजी खुली होणार असून २१ मे २०२१ रोजी बंद होईल. या योजनेत किमान ५००० रुपयांची गुंतवणूक करता येणार आहे. त्यापुढे १ रुपयांच्या पटीत कितीही गुंतवणूक करता येईल. ही योजना २८ मे २०२१ रोजी पुन्हा खुली होणार असल्याचे कंपनीने म्हटलं आहे. योजनेची कामगिरी क्रिसिल हायब्रिड ८५+१५ कंझर्वेटिव इंडेक्स टीआरआयच्या मापदंडावर निश्चित केली जाईल. राजीव ठक्कर, रौनक ओंकार आणि राज मेहता या योजनेचे व्यवस्थापन करतील. या योजनेत डायरेक्ट आणि रेग्युलर असे दोन्ही प्लान्स हे ग्रोथ आणि इन्कम डिस्ट्रिब्युशन कम कॅपिटल विड्रॉवल ऑप्शन्स देऊ करतील.

शेअर बाजार तेजीत ; सेन्सेक्स-निफ्टी वधारले, डाॅलरसमोर रुपया सावरला
पीपीएफएएस म्युच्युअल फंडाचे अध्यक्ष व मुख्य कार्यकारी अधिकारी नील पराग पारीख म्हणाले, “पराग पारीख फ्लेक्झी कॅप फंडामागील कल्पनेची पुनरावृत्ती आम्हाला डेटमध्ये करायची आहे. यामध्ये एक लवचिक मॉडेल ठेवण्याची कल्पना आहे. या मॉडेलच्या माध्यमातून आम्हाला खूप निर्बंध घालून न घेता बाजारातील संधींचा फायदा घेण्याची मुभा मिळू शकेल. त्यामुळे ही योजना शॉर्ट टर्म, सरकारी रोखे किंवा उच्च उत्पन्न देणाऱ्या अशा डेट उत्पादनाच्या कोणत्याही एका प्रकारच्या चौकटीत बसवली जाणार नाही. पराग पारीख कंझर्वेटिव हायब्रिड फंड हे आमचे डेट उत्पादन असून, त्यात थोडे वितरण इक्विटी, आरईआयटीज आणि इन्व्हायटीजमध्येही केले जाईल. तुमच्या डेटसंदर्भातील सर्व गरजांसाठी ही योजना ‘वन-स्टॉप शॉप’सारखी ठरू शकेल.”

गुंतवणुकीचा विचार करताय ; या महत्वाच्या गोष्टी तुम्हाला निर्णय घेण्यास फायदेशीर ठरतील
पीपीएफएएस म्युच्युअल फंडचे मुख्य गुंतवणूक अधिकारी राजीव ठक्कर या योजनेच्या गुंतवणूक धोरणाबद्दल म्हणाले, “ही योजना एका लवचिक मॉडेलचे पालन करेल. त्यायोगे व्यवस्थापकाला उत्पादन मिळवून देणाऱ्या (अॅक्युरल) व मुदतीशी संबंधित उत्पादनांमध्ये सहज हालचाल करता येईल. यामध्ये सर्व परिपक्वता मुदतींमधील स्वायत्त, राज्य सरकारी, पीएसयू व कॉर्पोरेट सिक्युरिटीजचा समावेश होतो. या फंडात १० ते २५ टक्के गुंतवणूक इक्विटी व इक्विटीशी संबंधित उत्पादनांमध्ये केली जाईल. हे वितरण आर्बिट्रेजचा (शेअर बाजारातील खरेदी-विक्री) उपयोग करून वाढवले किंवा कमी केले जाऊ शकेल. ही योजना आपल्या एकूण गुंतवणूकीपैकी १० टक्क्यांपर्यंत रिअल इस्टेट इन्व्हेस्टमेंट ट्रस्ट्स (आरईआयटीज) आणि इन्फ्रास्ट्रक्चर इन्व्हेस्टमेंट ट्रस्ट्स (इन्व्हआयटीज) यांच्या एककांमध्येही गुंतवेल.”

मिडकॅप फंडांची चलती; वर्षभरात या मिडकॅप योजनांनी गुंतवणूकादारांना केलं मालामाल
युनिट्स उपलब्ध झाल्याच्या तारखेपासून १० टक्के युनिट्सवर कोणत्याही प्रकारचा एग्झिट लोड आकारला जाणार नाही. मात्र, १० टक्क्यांहून पुढील युनिट्स उपलब्धतेच्या तारखेपासून एका वर्षात रिडीम केल्यास त्यावर १ टक्का लोड आकारला जाईल. युनिट्स उपलब्ध झाल्याच्या तारखेपासून १ वर्षानंतर रिडम्प्शन झाल्यास त्यावर एग्झिट लोड आकारला जाणार नाही.