दुसरीकडे मुंबई वगळता उर्वरित राज्यात वीज पुरवठा करणाऱ्या महावितरणनेदेखील बुधवारी १९ हजार मेगावॉटहून अधिक विजेचे वितरण संपूर्ण राज्याला केले. हा आकडा २२ हजार मेगावॉटपेक्षा या कमाल मागणीपेक्षा कमी असला, तरी मागील लॉकडाउनपेक्षा अधिक आहे. मागील लॉकडाऊन काळात महावितरणची वीज मागणी संपूर्ण राज्यात १३ हजार मेगावॉटपर्यंत खाली आली होती. त्यानंतर ‘पुन:श्च हरिओम’ प्रक्रियेत राज्याची कमाल मागणी जेमतेम १७ हजार मेगावॉटपर्यंत वाढून मार्च महिन्यात ती २० हजार मेगावॉटच्या पुढे गेली. त्या तुलनेत सध्या निर्बंध व उद्योगधंदे बंद असतानादेखील राज्याची वीज मागणी १९ हजार मेगावॉटच्या पुढे आहे, हे विशेष.