म. टा. विशेष प्रतिनिधी, मुंबई

मुंबईकर कडाक्याच्या उन्हाने कंटाळलेले असून पावसाळा जवळ येऊन ठेपला आहे. दरवर्षी येणारा पाउस आणि त्यापाठोपाठच्या मोठ्या भरतीच्या लाटांनी मुंबईकरांची चिंता वाढत जाते. यंदा संपूर्ण पावसाळ्यात १८ दिवसांचा कालावधी हा मोठ्या भरतीच्या कालावधीचा ठरणार आहे. त्यात, जुलै आणि ऑगस्टमध्ये पावसाचा जोर अधिक असून त्यातील १० दिवसांत भरतीचा जोर सर्वाधिक राहणार आहे.

मुंबईतील पाऊस आणि त्या कालावधीत केले जाणारे नियोजन हा महत्त्वाचा भाग असतो. ती जबाबदारी पेलणाऱ्या पालिकेकडून पावसाळ्यातील घडामोडींचा अंदाज घेतला जातो. त्यात भरतीचे दिवस कोणते, लाटांची उंची किती या साऱ्यांचा समावेश असतो. अतिवृष्टीवेळी उद्भवणाऱ्या प्रसंगांना तोंड देण्यासाठी पालिकेकडून आराखडा तयार केला जातो. त्या अनुषंगाने पालिकेच्या आपत्कालीन विभागाने मुंबईत मोठी भरती कधी असेल, याचा आढावा घेण्यात आला आहे. यंदाच्या पावसाळ्यात १८ दिवस सर्वात मोठी भरती येणार असून त्यावेळी साडेचार मीटरपेक्षाही अधिक उंचीच्या लाटा येउ शकतात, असा अंदाजदेखील आपत्कालीन विभागाने मांडला आहे.

सर्वात उंच लाटा केव्हा?

जूनमध्ये पावसास प्रारंभ होत असून त्यातील २३ ते २८ जूनमध्ये सलग सहा दिवस समुद्रास उधाण येणार आहे. तसेच, शुक्रवार २६ जून रोजी वर्षातील सर्वात मोठी भरती येणार असून तेव्हा ४.८५ मीटरच्या लाटा येणार आहेत.

२६ जून रोजी सर्वांत उंच लाटा

पावसाची सुरुवात असणाऱ्या जूनमध्ये २३ ते २८ जून असे सलग सहा दिवस समुद्राला उधाण येणार आहे. यावेळी साडेचार मीटरपेक्षा जास्त उंचीच्या लाटा उसळणार आहेत. शुक्रवार २६ जून रोजी या वर्षातील सर्वात मोठी भरती येणार असून सर्वांत उंच म्हणजे ४.८५ मीटरच्या लाटा उसळणार आहेत.

पालिकेच्या अहवालानुसार भरतीचे दिवस

जुलै-वेळ-लाटांची उंची

२३-११.३७ वा.-४.५९ मी.

२४-१२.२४ वा.-४.७१ मी.

२५-१३.०७ वा.-४.७३ मी.

२६-१३.४८ वा.-४.६८ मी.

२७-१४.२७ वा.-४.५५ मी.

ऑगस्ट-वेळ-लाटांची उंची

१०-१३.२२ वा.-४.५० मी.

११-१३.५६ वा.-४.५१ मी.

२२-१२.०७ वा.-४.५७ मी.

२३-१२.४३ वा.-४.६१ मी.

२४-१३.१७ वा.-४.५६ मी.

सप्टेंबर

८-१२.४८ वा.-४.५६ मी.

९-१३.२१ वा.- ४.५४ मी.