मुंबई: नेटफ्लिक्सचा चित्रपट ‘रे’चा ट्रेलर नुकताच रिलीज झाला आहे. सत्यजित रे यांच्या रचनांवरून प्रेरित कथांचं एक मिश्रण आहे. ज्यात ४ वेगवेगळ्या कथा दाखवण्यात आल्या आहे. सध्या सोशल मीडियावर या चित्रपटाच्या ट्रेलरची जोरदार चर्चा सुरू असून प्रेक्षकांमध्ये या चित्रपटाबाबत कमालीची उत्सुकता दिसून येत आहे.

या चित्रपटाच्या चार कथांमध्ये मनोज बाजपेयी, अली फजल, केके मेनन, हर्षवर्धन कपूर आणि राधिका मदान यांच्या मुख्य भूमिका आहेत. ज्यात प्रेम, वासना, सत्य आणि विश्वासघात याचं आगळं-वेगळं चित्रण करण्यात आलं आहे.

पर्ल वी पुरीच्या अटकेवरून दोन अभिनेत्रींमध्ये रंगला कलगीतुरा

या चित्रपटातील चार वेगवेळ्या कथांचं दिग्दर्शनही चार वेगवेगळ्या दिग्दर्शकांनी केलं आहे. पहिली कथा ‘हंगामा है क्यों बरपा’चं दिग्दर्शन अभिषेक चौबे यांनी केलं केलं आहे. ज्यात अभिनेता मनोज बाजपेयीची मुख्य भूमिका आहे. जो एक प्रसिद्ध गझल गायक आहे. ज्याची भेट एका रेसलरशी होते. जो नंतर क्रिडा पत्रकार होतो. दोघं एका रेल्वे प्रवासात भेटतात आणि त्यांना समजतं की त्यांची याआधीही कधीतरी भेट झाली होती.

या चित्रपटाची दुसरी कथा ‘फॉर्गेट मी नॉट’चं दिग्दर्शन श्रीजीत मुखर्जी यांनी केलं आहे. या थ्रीलर कथेत अली फजल आणि श्वेता बासू प्रसाद यांच्या मुख्य भूमिका आहेत. तिसरी कथा ‘बहरूपिया’चं दिग्दर्शनही श्रीजीत मुखर्जी यांनी केलं आहे. ज्यात केके मेनन आणि बिदिता यांच्या मुख्य भूमिका आहेत. ही कथा अशा नायकाची आहे ज्याला मेकअप आर्टिस्ट व्हायचंय पण तो आपल्या कामात अडकला आहे जे त्याला आवडतही नाही.

मुलांसाठी श्वेता तिवारी रात्रभर व्हिडीओ कॉल सुरू ठेवून झोपते

‘रे’ चौथी कथा ‘स्पॉटलाइट’चं दिग्दर्शन वसन बाला यांनी केलं आहे. ज्यात हर्षवर्धन कपूर मुख्य भूमिकेत आहे. ही कथा एका शॉर्ट फिल्मच्या एका टाइपकास्ट अभिनेत्याची आहे. ज्याला आपली प्रतिमा बदलायची आहे. हा चित्रपट येत्या २५ जूनला नेटफ्लिक्सवर रिलीज होणार आहे. या चित्रपटात आकांक्षा रंजन कपूर, अनिंदिता बोस, श्रुति मेनन, चंदन रॉय सान्याल, दिब्येंदु भट्टाचार्या यांच्याही महत्त्वपूर्ण भूमिका आहेत.