मुंबई– १४ जून २०२० रोजी बॉलिवूड अभिनेता सुशांत सिंह राजपूत याने राहत्या घरी आत्महत्या केली. त्याच्या आत्महत्येचं गूढ उलगडताना पोलिसांच्या हाती अंमली पदार्थांशी संबंधित अनेक गोष्टी लागल्या. याप्रकरणी अभिनेत्री रिया चक्रवर्ती हिला अटक करण्यात आली होती. रियाने एनसीबीला दिलेल्या कबूलनाम्यात अनेक गोष्टी सांगितल्या होत्या. रियाने सुशांत चित्रपटाच्या सेटवरदेखील अंमली पदार्थांचं सेवन करत असल्याचं म्हटलं होतं. परंतु, रियाच्या या वक्तव्यानंतर ‘महाभारत’ मालिकेत कृष्णाची भूमिका साकारणारे लोकप्रिय अभिनेते नितीश भारद्वाज यांनी सुशांतची बाजू घेत सेटवरील त्याच्या वागणुकीबद्दल काही खुलासे केले आहेत. त्यांनी सुशांतला कधीही नशेत पाहिलं नसल्याचं म्हटलं आहे.

NCB च्या चौकशीत रिया चक्रवर्तीचा धक्कादायक खुलासा; सुशांत त्याच्या बहिणींसोबत.

रियाने एनसीबीला दिलेल्या जबाबात तिने सुशांतसोबत अभिनेत्री सारा अली खानवरही आरोप केले होते. साराने सुशांतला गांजा आणि वोडका ऑफर केल्याचं रियाने म्हटलं होतं. याप्रकरणी जेव्हा साराची चौकशी करण्यात आली तेव्हा साराने सुशांत अंमली पदार्थांचं सेवन करत असल्याचं कबुल केलं होतं. याप्रकरणावर नितीश यांनीही त्यांचं मत मांडलं आहे. नितीश यांनी सुशांत आणि सारासोबत ‘केदारनाथ’ चित्रपटात काम केलं होतं. टाइम्स ऑफ इंडियाला दिलेल्या मुलाखतीत नितीश यांनी म्हटलं, ‘सुशांत सिगारेट प्यायचा पण तो खूप चपळ होता. जर तो कोणत्याही अंमली पदार्थांचं सेवन करत असता. तर तो इतका चपळ राहू शकला नसता. त्याचं डोकं भन्नाट चालायचं. मी स्वतः सिगारेट, दारू पीत नसलो तरी एखाद्या सिगारेट पिणाऱ्या व्यक्तीला ओळखू शकतो. त्यांच्याजवळ जाताच आपल्याला एक वेगळ्याच वास येतो. ‘

मी सुशांत आणि सारासोबत प्रवास केलाय पण मला ते दोघेही कधीच नशेत दिसले नाहीत. किंवा त्यांचे डोळेही मला कधीच धुंदीत दिसले नाहीत. ते नेहमी एखाद्या सध्या व्यक्तीप्रमाणेच असायचे. सुशांत तर एका वेगळ्याच जगात असायचा. तो नेहमी ग्रह, तारे यांबद्दल बोलायचा. मला असं कधीच वाटलं नाही की सुशांतला कोणत्या गोष्टीचा ताण आहे. तो नेहमी हसतमुख असायचा. त्याने मला घरी देखील बोलावलं होतं. तेही अनेकदा.’

मोस्ट डिझायरेबल वुमनच्या यादीत रिया चक्रवर्ती पहिल्या स्थानावर