मुंबई– ‘द फॅमिली मॅन’ या वेबसीरिजमुळे घराघरात पोहोचलेला अभिनेता मनोज बाजपेयी सध्या सीरिजच्या यशाचा आनंद घेत आहे. या सीरिजमधील मनोजच्या अभिनयाचं प्रचंड कौतुक करण्यात येत आहे. परंतु, वेबसीरिज मधल्या या फॅमिली मॅनची पत्नीही कधीकाळी एक प्रसिद्ध बॉलिवूड अभिनेत्री होती, ही गोष्ट फार कमीजणांना माहीत असेल. मनोजच्या पत्नीचं नाव शबाना असून त्यांना एवा नावाची एक मुलगीही आहे. शबानाने फार कमी काळ बॉलिवूडमध्ये काम केलं. तिने हृतिक रोशन आणि बॉबी देओल यांसारख्या अभिनेत्यांसोबत मुख्य भूमिका साकारली आहे.

‘नुसरतनेच मला फसवलं, तिच्या पोटातलं बाळ माझं नाहीच!’

‘करीब’ चित्रपटातून केलं होतं पदार्पण

शबानाने नेहा या नावाने बॉलिवूडमध्ये पदार्पण केलं होतं. तिचा पहिला चित्रपट होता तो बॉबी देओल सोबतचा ‘करीब’. त्यानंतर शबानाने अजय देवगणसोबत ‘होगी प्यार की जीत’ आणि हृतिक रोशनसोबत ‘फिजा’ चित्रपटात काम केलं. ‘फिजा’ चित्रपटातील ‘आजा माहिया’ हे गाणं आजही प्रेक्षकांच्या तोंडी आहे. परंतु, गूगलवरही शबानाला शोधण्यासाठी शबाना नाही तर नेहा नावाचा उपयोग करावा लागतो.

बॉलिवूड चित्रपटासाठी बदलावं लागलं नाव

बॉलिवूडमध्ये पदार्पण करण्यापूर्वी चित्रपट निर्मात्यांनी शबानाला नाव बदलण्याची ताकीद दिली होती. शबानावर नाव बदलण्यासाठी दबाव टाकण्यात आला. शबानाला असं करणं मुळीच पसंत नव्हतं. एका मुलाखतीत शबानाने म्हटलं होतं की, ‘माझ्या आई- वडिलांनी खूप प्रेमाने माझं नाव ठेवलं होतं. माझ्यावर दबाव टाकण्यात आला. मी या गोष्टीसाठी मुळीच तयार नव्हती. माझं नाव बदलायची गरज नव्हती पण कोणीही माझं ऐकलं नाही.’

संजय गुप्ता यांच्या चित्रपटातून मिळाली हरवलेली ओळख

संजय गुप्ता यांच्या चित्रपटात शबानाने तिच्या खऱ्या नावाने अभिनय केला होता. शबानाने सांगितल्याप्रमाणे, संजय आणि त्यांच्या टीमसोबत काम करणं हा खूप चांगला अनुभव होता कारण त्यांनी शबानाला तिच्या खऱ्या नावाने काम करू दिलं. मी माझी ओळख विसरले होते ती मला पुन्हा मिळाली, असं शबानाने म्हटलं होतं. यासोबत शबानाने तमिळ आणि कन्नड चित्रपटातही काम केलं आहे.

कपिलसोबत पुन्हा काम करणार का? सुनील ग्रोवर म्हणतो…