मुंबई: बॉलिवूड अभिनेत्री शिल्पा शेट्टीचा पती राज कुंद्रा फारसा त्याचं पहिलं लग्न आणि पहिल्या पत्नीबद्दल बोलताना दिसत नाही. पण आता पहिल्यांदाच तो त्याच्या पहिल्या पत्नीबद्दल आणि मोडलेल्या संसाराबद्दल बोलला आहे. कविताच्या एका जुन्या मुलाखतीद्वारे शिल्पावर मागच्या काही दिवसांपासून वेगवेगळे आरोप केले जात आहेत. त्यामुळे आपण ही आता यावर स्पष्ट बोलायचं ठरवलं आहे असं म्हणत राज कुंद्रानं नुकतीच एक मुलाखत दिली आहे. ज्यात त्यानं एक्स वाइफ कविताबद्दल धक्कादायक खुलासा केला आहे.

Video: शिल्पा शेट्टीनं नवऱ्याला म्हटलं झाडू मार, पण त्यानं जे केलं ते पाहून आवरणार नाही हसू
नुकत्याच ई-टाइम्सला दिलेल्या मुलाखतीत राज कुंद्रा म्हणाला, ‘अनेक वर्षांनंतर आता या मुद्द्यावर बोलल्यानंतर मला आता ठीक वाटत आहे. कारण मी आज सत्य बोलू शकलो आहे. आता कविता यावर काय प्रतिक्रिया देईल याने मला काहीच फरक पडत नाही. माझ्या आईनेच कविता आणि माझ्या बहिणीचा पती वंश यांना अनेकदा नको त्या अवस्थेत पाहिलं होतं. यात दोन कुटुंबं उध्वस्त होत होती पण त्यांनी थोडाही विचार केला नाही.’

घटस्फोटानंतर एक्स वाइफ कविताशी बोलणं झालं आहे का? या प्रश्नाचं उत्तर देताना राज म्हणाला, ‘मी कधीच कविताशी बोललो नाही आणि मला यापुढे कधीच तिच्याशी बोलायचंही नाही. मी माझ्या मुलीला भेटण्याचा प्रयत्न नक्कीच केला मात्र कविताच्या कुटुंबीयांनी मला तिला भेटूच दिलं नाही. पण मला माहीत आहे योग्य वेळी माझी मुलगी माझ्याकडे नक्की येईल. मुलीच्या जन्मानंतर मी माझ्या मुलीला फक्त ४० दिवसच पाहिलं आहे. त्यानंतर मी शिल्पाशी लग्न करून भारतात आलो. मी माझ्या मुलीला भेटावं असं कविताला वाटत नाही आणि त्यावेळी न्यायालयानंही तिच्या बाजूने निर्णय दिला होता.’

शिल्पानेच आमचा संसार मोडला; राज कुंद्राच्या पहिल्या पत्नीचा आरोप
राज पुढे म्हणाला, ‘काही दिवसांपूर्वी जेव्हा मी व्हायरल झालेले जुने आर्टिकल्स पाहिले आणि शिल्पाला पाठवले त्यावर तिनं यावर काहीही न बोलण्याबद्दल सांगितलं होतं. विशेष करून हे आर्टिकल तिच्या वाढदिवसाच्या वेळी व्हायरल झाले होते. त्यामुळे मला धक्का बसला होता. कवितानं माझा विश्वासघात केला हे ठीक होतं पण त्यामुळे ज्या प्रकारे दोन कुटुंबं उध्वस्त झाली त्यासाठी मी तिला कधीच माफ करु शकत नाही. माझ्या या मुलाखतीमुळे शिल्पा नाराज आहे पण सत्य कधीतरी बाहेर येणं गरजेचं होतं.’