मुंबई: मागच्या काही दिवसांपूर्वी शिल्पा शेट्टीचा पती राज कुंद्रा याची एक्स वाइफ कविताचा एक व्हिडीओ सोशल मीडियावर व्हायरल होताना दिसत होता. ज्यात कवितानं शिल्पा शेट्टीवर तिचा संसार मोडल्याचा धक्कादायक आरोप केला होता. याशिवाय तिनं शिल्पावर अनेक गंभीर आरोप केले होते. पण आता शिल्पाचा पती राज कुंद्रानं घटस्फोटाच्या १२ वर्षांनतर एक्स वाइफ कविताबद्दल अनेक धक्कादायक खुलासे केले आहेत. याशिवाय त्यानं कविताला घटस्फोट देण्यामागचं कारणही स्पष्ट केलं आहे.

एका हिंदी वेबसाइटला दिलेल्या मुलाखतीत राज कुंद्रा म्हणाला, ‘माझी पत्नी शिल्पाच्या वाढदिवसानंतर काही दिवसांनी हा ११ वर्षांपूर्वीचा एक व्हिडीओ सोशल मीडियावर व्हायरल होताना दिसत आहे. हे फारच दुःखद आहे. हे एक अर्धसत्य आहे आणि त्यामुळे आमची सर्वांचीच प्रतिमा खराब करण्याचा प्रयत्न केला जात आहे. मी १२ वर्ष काहीच न बोलता शांत राहिलो पण आता हे अतीच होत आहे. मला हा व्हिडीओ पाहिल्यावर खूप राग आला होता. शिल्पानं याकडे दुर्लक्ष करण्यास सांगितलं होतं पण मी आता बोलण्याचा निर्णय घेतला आहे. मी आता बोलत आहे कारण लोकांना सत्य काय आहे हे कळायला हवं.’

आपली पहिली पत्नी कवितावर आरोप करताना राज म्हणाला, ‘कविताचा जो व्हिडीओ सध्या सोशल मीडियावर व्हायरल होताना दिसत आहे. ती मुलाखत देण्यासाठी कविताला पैसे देण्यात आले होते. आमचा घटस्फोट होत असताना मी तिच्याकडे बँक स्टेटमेंट मागितले होते. त्यात या गोष्टीचा स्पष्ट उल्लेख होता की, एका न्यूजपेपरनं अशाप्रकरच्या या मुलाखतीसाठी तिला पैसे दिले होते. ती एका सेलिब्रेटीवर स्वतःचा संसार मोडल्याचा आरोप करत आहे. जेव्हा ती स्वतःच याचं कारण होती. जेव्हा कविता लंडनमध्ये होती तेव्हा तिचं माझ्याच बहिणीच्या नवऱ्यासोबत अफेअर सुरू होतं.’

राज पुढे म्हणाला, ‘तिनं माझ्याच बहिणीच्या नवऱ्याशी जवळीक साधली होती. जेव्हा मी बिझनेस ट्रीपसाठी बाहेर जात असे तेव्हा ती त्याच्यासोबत वेळ घ्यालवत असे. माझ्या कुटुंबीयांसोबत माझ्या ड्रायव्हरलाही हे माहीत झालं होतं. त्यानं मला काही वेळा सांगण्याचा प्रयत्नही केला पण मी त्याच्यावर विश्वास ठेवला नाही. मी ती प्रत्येक गोष्ट केली जी दोन कुटुंबासाठी गरजेची होती. माझ्यासाठी माझा आणि माझ्या पत्नीचा परिवार सारखाच होता. आजही माझं ही तत्वं मी पाळतो.’

राजनं सांगितलं, ‘जेव्हा मी माझ्या काही कॉमन मित्रांच्या मदतीनं शिल्पाला भेटलो होतो. तेव्हा माझ्या एक्स वाइफला ही गोष्ट ऑनलाइन बातम्यांच्या माध्यमातून समजली. त्यानंतर तिनं माझ्यावर घटस्फोटासाठी दबाव आणायला सुरुवात केली. तिनं शिल्पावर आरोप करत हजारोंच्या किंमतीत युकेतील एका टॅब्लॉइडला ही स्टोरी विकली. घटस्फोटाच्या अर्जातील अटींनुसार मला कोट्यवधीची रक्कम तिला द्यावी लागली. त्यासोबतच तिनं मला माझ्या मुलीपासून दूर केलं.’
राज कुंद्रा आणि कविताचं २००३मध्ये लग्न झालं होतं. त्यानंतर २००६ मध्ये त्यांचा घटस्फोट झाला. घटस्फोटानंतर काही वर्षांनी राजनं शिल्पा शेट्टीशी लग्न केलं. आता या दोघांना विहान आणि समीशा अशी दोन मुलं आहेत.