हायलाइट्स:
- मुंबईत प्रवाशांचे हाल
- आधीच लोकल बंद त्यानंतर आता एसटीही बंद
- अनिल परब यांची ट्विटरद्वारे माहिती
लॉकडाऊनमुळे लोकल गाड्या सर्वसामान्यांसाठी बंद करण्यात आल्या होत्या. यामुळे सार्वजनिक वाहतुकीवर होऊ नये यासाठी मुंबईत बेस्टसह एसटी बसेसही धावत होत्या. पण सोमवारपासून ही सेवा बंद करण्यात आली आहे. यामुळे आज मुंबईत ठिकठिकाणी गर्दी पाहायला मिळत आहे. बस स्थानकांवर लांबच लांब रांगा लागल्या आहे. तर चाकरमान्यांना यामुळे मोठा त्रास सहन करावा लागत आहे.
यावेळी अनिल परब यांनी मुंबईला सेवा देणाऱ्या यंत्रणेचे सर्व ड्रायव्हर, वाहक आणि कर्मचारी अधिकारी यांचे आभार मानले. तुमच्या सेवेमुळे त्यांचा आदर आणि विश्वास आजही जिवंत आहे. कोरोनाची दुसरी लाट कमी झाली असली तरी, लोकल अद्याप सुरु झाली नाही.
अत्यावश्यक सेवेमध्ये काम करणारे कर्मचारी तसेच सरकारी कर्मचारी वगळता कोणालाही सार्वजनिक प्रवास करण्याची परवानगी नाही. या पार्श्वभूमीवर एसटी महामंडळाच्या अतिरिक्त गाड्याही 14 जूनपासून बंद ठेवण्यात आल्या असल्यामुळे प्रवाशांचे मोठे हाल होताना दिसत आहेत.