मुंबई: बॉलिवूड अभिनेत्री करिना कपूर सोशल मीडियावर नेहमीच चर्चेत असते. पण मागच्या काही दिवसांपासून ती तिचं प्रोफेशन लाइफ, आगामी चित्रपट आणि त्यातील भूमिकेसाठी करिनानं मागितलेलं मानधन यावरू वाद सुरू आहेत एवढंच नाही तर करिनावर बहिष्कार घालण्याचीही मागणी सोशल मीडियाच्या माध्यमातून करण्यात आली आहे. एका पौराणिक कथा असलेल्या चित्रपटात सीता मातेची भूमिका साकारण्यासाठी करिनाला विचारणा झाली असून त्यासाठी तिनं बरीच मोठी रक्कम मानधन म्हणून मागितल्याचं बोललं जात आहे. ज्यामुळे सोशल मीडियावर करिनाच्या विरोधात बहिष्काराची मागणी झाली होती. त्यानंतर आता या वादत बजरंग दलानंही उडी घेतली आहे.

नागपूरमधील बजरंग दलाच्या कार्यकर्त्यांनी करिनाच्या विरोधात जिल्हाधिकाऱ्यांकडे एक निवेदन दिलं आहे. बजरंग दलाच्या कार्यकर्त्यांनी हे निवेदन देताना हा चित्रपट तयार झाला तर त्याला मोठा विरोध केला जाईल असं म्हटलं आहे. आपल्या निवेदनात त्यांनी करिना कपूरचे बिकिनी फोटो आणि ती अजमेर दरगाहला गेलेली असतानाचे फोटोही दिले आहेत.

बजरंग दलाच्या एका कार्यकर्त्यानं प्रसार माध्यमांशी बोलताना म्हटलं, ‘हिंदू समाजावर बॉलिवूडमध्ये वारंवार चित्रपट तयार केले जात आहेत. यात तांडव या वेब सीरिजमध्ये करिनाचा पती सैफनं काम केलं होतं. आता ‘सीता’ येत आहे ज्यात करिना कपूर काम करणार आहे. वारंवार हे मुस्लिम लोक हिंदू धर्मातील भूमिका का साकारतात. जे लोक हिंदूंना वाईट म्हणतात. आज आपण त्यांनाच मोठी रक्कम मानधन म्हणून देत आहोत. आमच्याच माध्यमातून हे कोट्यवधी रुपये कमावणार आहेत. आम्ही या चित्रपटाचा विरोध करत आहोत. जर हा चित्रपट तयार केला गेला तर त्याला विरोध केला जाईल. आज आम्ही यासंबंधी निवेदन जिल्हाधिकाऱ्यांना दिलं आहे.’
प्रेग्नन्सीमध्ये करिनाला लागले होते ‘या’ पदार्थांचे डोहाळे, अभिनेत्री शेअर केला अनुभव
दरम्यान याआधी काही दिवसांपूर्वीच करिनाच्या विरोधात सोशल मीडियावर #BoycottKareenaKhan ट्रेन्ड झालं होतं. करिनाला सोशल मीडियावर ट्रोल केलं गेलं होतं. युझर्सचं म्हणणं आहे की, करिना या भूमिकेसाठी योग्य नाही तिच्या बदल्यात कोणत्याही हिंदू अभिनेत्रीला ही भूमिका देण्यात यावी. एवढंच नाही तर या चित्रपटासाठी करिनानं मागितलेलं मोठ्या रक्कमेचं मानधन हा देखील टीकेचा मुद्दा ठरला होता. सीता मातेच्या भूमिकेसाठी करिनानं १२ कोटी रुपये एवढं मानधन मागितल्याचं बोललं जात होतं.

सीतेच्या भूमिकेसाठी करिनाला विरोध; ‘या’ अभिनेत्रींना मिळतेय पसंती