मुंबई– बॉलिवूड अभिनेत्री नीना गुप्ता सध्या सोशल मीडियावर प्रचंड चर्चेत आहेत. नीना यांच्या नुकत्याच प्रदर्शित झालेल्या ‘सच कहू तो‘ या पुस्तकात त्यांनी व्यावसायिक आयुष्यासह खासगी आयुष्याबद्दल अनेक खुलासे केले आहेत. आपल्या आयुष्यातील खडतर प्रवासाबद्दल नीना यांनी या पुस्तकात सर्वकाही लिहिलं आहे. बॉलिवूडमध्ये अनेकांना कास्टिंग काऊचचा सामना करावा लागतो. त्याप्रमाणे नीना यांनाही कास्टिंग काऊचचा सामना करावा लागला होता. नीना यांनी त्यांच्या पुस्तकात या प्रसंगाबद्दलही खुलासा केला आहे. जेव्हा त्यांना चित्रपटातील भूमिकेच्या बदल्यात निर्मात्याकडून एक रात्र सोबत घालवण्याची मागणी करण्यात आली होती.

राज परफेक्ट आहे पण, एक गोष्ट त्याला जमत नाही; शिल्पा शेट्टीनं केला खुलासा

दाक्षिणात्य चित्रपटसृष्टीतील निर्मात्यांना भेटल्या होत्या नीना

नीना यांनी त्यांच्या पुस्तकात लिहिलं की, जेव्हा त्यांना चित्रपट निर्मात्याने हॉटेल रूममध्ये बोलावलं तेव्हा त्यांचं शरीर थंड पडलं होतं. निर्मात्याने नीना यांना स्पष्ट शब्दात त्याच्यासोबत एक रात्र घालवण्याची ऑफर दिली होती. हा निर्माता दाक्षिणात्य चित्रपटसृष्टीतील होता. त्यावेळेस नीना मुंबईतील जुहू येथील पृथ्वी थिएटरमध्ये काम करत होत्या. नीना कामासाठी निर्मात्याला भेटण्यासाठी हॉटेलवर गेल्या होत्या. जेव्हा निर्मात्याने नीना यांना बाहेर भेटण्याऐवजी एका हॉटेलच्या रूममध्ये बोलावलं तेव्हा त्यांना ही गोष्ट खटकली होती.

मनात नसतानाही नीना रूमवर गेल्या

नीना यांनी त्या प्रसंगाबद्दल सांगताना लिहिलं, ‘माझं मन मला सांगत होतं की हॉटेलमधील रूमवर जाणं माझ्यासाठी योग्य नाहीये. मी त्याला खाली हॉटेलच्या लॉबीमध्ये यायला सांगणार होते. पण ही अशी वेळ होती की, मला ती संधी सोडायची नव्हती. मी वर खोलीत गेले. मी त्यांना विचारलं माझी भूमिका काय असणार आहे? त्यावर ते म्हणाले की, तुला अभिनेत्रीच्या मैत्रिणीची भूमिका करायची आहे. त्यानंतर मी जायला उठले तर त्यांनी मला सरळ प्रश्न विचारला की, ‘तू कुठे जातेस? तू आजची रात्र माझ्यासोबत घालवणार नाहीयेस?’ हे प्रश्न ऐकून मला काही सुचेनासं झालं आणि मी तिथून अक्षरशः पळून आले. तो अनुभव माझ्यासाठी प्रचंड धक्कादायक होता.’

‘मर्द बनो’ संजय दत्तचा जुना व्हिडीओ व्हायरल; नेटकऱ्यांकडून प्रचंड ट्रोल