मुंबई: गेल्या काही दिवसांपासून बॉलिवूड अभिनेत्री करिना कपूर खान चर्चेत आहे. कधी तिच्या चित्रपटांतील भूमिकेवरून , कधी मानधनावरून तर कधी खासगी आयुष्यामुळे बेबोच्या चर्चा काही थांबेनात. करोना लॉकडाऊनमुळे सर्वजण घरातच होते. त्यामुळे मित्र मैत्रिणीची भेट घेणं अशक्य होतं. मात्र आता लॉकडाऊनचे नियम शिथिल झाल्यानंतर भेटीगाठी वाढल्या आहेत. बॉलिवूड कलाकार देखील एकमेंकच्या घरी येत जात आहेत. मलायका अरोरा देखील करिनाला भेटण्यासाठी तिच्या घरी गेली होती. दोन महिन्यानंतर बेस्टफ्रेंड भेटल्यानंतरचा आनंद करिनानं फोटो शेअर करत चाहत्यांसोबत शेअर केला.

करिनानं फोटो शेअर केल्यानंतर फोटोची चर्चा झाली नसती तर नवलंच. फोटो सोशल मीडियावर प्रचंड व्हायरल झाला. पण चर्चा करिना आणि मलायकाची नाही तर, करिनानं घातलेल्या पांढऱ्या रंगाच्या टॉपची झाली. तुम्ही म्हणाल यात विशेष असं काय आहे? तर करिनानं घातलेल्या पांढऱ्या रंगाच्या टॉपची किंमत तब्बल ४० हजार इतकी आहे. एका प्रसिद्ध विदेशी ब्रॅन्डचा हा स्वीमसूट असून या ब्रॅन्डच्या साइटवर या हा टॉप ४० हजार किंमतीला उपल्बध आहे.

बाबो! योगा दिनाच्या शुभेच्छा देताना बेबोनं शेअर केला बिकीनीतला फोटो
रणवीर सिंगने सुरू केलं शूटिंग, पण लोकांच्या नजरा त्याच्या अतरंगी ड्रेस आणि १ कोटीच्या गाडीवरच

सीतेच्या भूमिकेवरून वादात
करिना गेल्या काही दिवसांपासून चर्चेत आहे. करिनाला रामायणावर आधारित एका चित्रपटात सीतेची भूमिका साकारण्याची संधी मिळाली होती. परंतु, या भूमिकेसाठी करिनाने तब्बल तिच्या मानधनाच्या दुप्पट म्हणजे १२ कोटी रुपयांची मागणी केली. त्यामुळे चाहते तिच्यावर प्रचंड नाराज झाले आहेत. ट्विटरवर करिनाला बॉयकॉट करण्याची मागणी करण्यात येत आहे. करिनाला सीतेची भूमिका दिल्यास चित्रपटावर बहिष्कार टाकण्याची ताकीद युझर्सनी दिली आहे.