मुंबई : इंडियन आयडल १२ या रिअॅलिटी कार्यक्रम सातत्याने विविध कारणांमुळे चर्चेत तर कधी वादाच्या भोव-यात अडकला आहे. कार्यक्रम टीआरपीच्या रेटिंगमध्ये यावा, यासाठी निर्मात्यांनी अनेक खोट्या कहाण्या, घटना रचल्या. त्यामुळे कार्यक्रम चर्चेत आला पण त्यावर टीका देखील झाली होती.

इंडियन आयडलच्या १२ व्या पर्वामध्ये सर्वाधिक चर्चेत होता तो उत्तराखंडमधील पवनदीप राजन. ज्या दिवसापासून तो या कार्यक्रमात आला तेव्हापासून तो सर्व प्रेक्षकांचा आणि परीक्षकांचा आवडता झाला आहे. त्याची ही लोकप्रियता पाहून कार्यक्रमाच्या निर्मात्यांनी कार्यक्रमातील महिला स्पर्धक अरुणिता कांजीलालबरोबर त्याची जोडी जुळवायला सुरुवात केली. त्या दोघांचे अफेअर असल्याच्या वावड्या उठवल्या. त्यांची जोडी प्रेक्षकांना देखील आवडली. शांत स्वभावाचा पवनदीप आणि अरुणिता यांचे ट्युनिंग बघायला प्रेक्षकांना आवडले. या दोघांनी या कार्यक्रमात अनेकदा ड्युएट गाणी गायली.

या पर्वातील पवनदीप सर्वात लोकप्रिय स्पर्धक
पवनदीपबरोबर अरुणिताने रोमँटिक गाणी गात इंडियन आयडल १२ चे पर्व प्रेक्षकांसाठी संस्मरणीय ठरले. पवनदीप या कार्यक्रमातील सर्वाधिक लोकप्रिय स्पर्धक ठरला आहे, त्याच्यामुळे कार्यक्रमाला देखील लोकप्रियता लाभली आहे. आता प्रश्न असा उपस्थित होतो आहे की, कार्यक्रमाचा टीआरपी कायम राखण्यासाठी निर्माते आता पवनदीपचा वापर करणार का?

पवनदीपला वाचवण्यासाठी चाहत्यांची मोहीम
गेल्या शनिवारी पवनदीप हा बॉटम दोनमध्ये होता. वास्तविक पवनदीपचे चाहते खूप आहेत. त्यामुळे पवनदीप बॉटम दोन मध्ये कसा आला, याबद्दल त्याच्या चाहत्यांना प्रश्न पडला आहे, याशिवाय ते प्रचंड संतप्तही झाले आहेत. इतकेच नाही तर पवनदीपच्या काही चाहत्यांनी तर थेट चॅनेलला धमकी दिली आहे. जर प्रेक्षकांच्या भावनांचा आदर राखला नाही तर चॅनेल सबस्क्रिप्शन काढून टाकले जाईल. पवनदीपच्या चाहत्यांच्या आता अशी शंका आहे की, निर्मात्यांना कार्यक्रमाचा टीआरपी कायम राखण्यासाठी पवनदीपला देखील कार्यक्रमातून काढून टाकले जाईल. त्यामुळे पवनदीपचे चाहते त्याला पाठिंबा देण्यासाठी मोहिम सुरू करण्याच्या विचारात आहेत. त्यासाठी #OurPridePawandeep ट्रेंड सुरू करणार आहेत.

अरुणिता की पवनदीप कोणाचे होणार एलिमिनेशन?

अनेकांचे असे म्हणणे आहे की, निर्माते आता पवनदीपला फार स्क्रीनवर दाखवत नाहीत. निर्मात्यांनी या संपूर्ण सिझनमध्ये पवनदीपचा टीआरपी वाढवण्यासाठी विविध पद्धतीने वापर केला आहे. आता मात्र ते पवनदीपवर अन्याय करत आहेत. आता या कार्यक्रमातून पवनदीप आणि अरुणिता यांच्यापैकी कोण कार्यक्रमातून एलिमिनेट होते याकडे सगळ्यांचे लक्ष लागले आहे. या दोघांपैकी कुणी एक जरी बाहेर गेले तरी त्यांची जोडी तुटणार हे नक्की. अर्थात त्यात पुन्हा निर्मात्यांचाच फायदा होणार आहे. कारण यातून कार्यक्रमाचा टीआरपी वाढणार आहे.

इंडियन आयडल १२: आदित्य नारायण नंतर पवनदीप राजनला करोनाची लागण
पवनदीप हा उत्तराखंड येथील रहिवासी आहे. हिमेश रेशमियाने त्याला आपल्या आगामी म्युझिकल अल्बममध्ये संधी दिली आहे. हिमेश पवनदीप आणि अरुणिताला एकत्र लाँच करत आहे.
Indian Idol 12- युझर्सच्या मते अरुणितामुळे पनवदीपवर झाला अन्याय, शोवर उभे राहिले प्रश्न