मुंबई: ऑनलाइन आणि घरपोच डिलीव्हरी सुविधा असलेल्या दुकानातून खरेदीचा ट्रेंड सध्या घराघरांत दिसून येतो. उच्चभ्रू वस्तीत राहणारे वाइन, बियर, अन्य प्रकारचे मद्यही मोठ्या प्रमाणात ऑनलाइन मागवतात. याचाच गैरफायदा भामटे घेत असून मुंबईतील दारुच्या अनेक दुकानांचे गुगलवर संपर्क क्रमांक बदलून मोठ्या प्रमाणात आर्थिक फसवणूक केली जात आहे.

मुंबईतील विविध पोलिस ठाण्यांत अशाप्रकारे लाखो रुपयांची फसवणूक केल्याप्रकरणी गुन्हे दाखल झालेआहेत. असाच अनुभव बॉलिवूडमधील ज्येष्ठ अभिनेत्री शबाना आझमी यांना आला असून यासंदर्भात त्यांनी ट्विट केलं आहे.

शबाना आझमी यांनी मद्य ऑनलाइन विकत घेण्यासाठी गुगवर माहिती सर्च केली.त्यानंतर त्यांनी एका फोन नंबरवर संपर्क करून मद्य खरेदी करण्यासाठी विचारणा केली. आर्डर दिल्यानंतर त्यांनी ऑनलाइन पद्धतीनं पैसे देखील टान्सफर केले. परंतु त्यांचं सामान अद्यापही घरी पोहचलं नाहीए. आणि संबंधीत फोननंबरवर कोणताही संपर्क होत नाहीए. हे सर्व शबाना आझमी यांनी त्यांच्या ट्विटमध्ये म्हटलं आहे.

‘५ जी नेटवर्क’ला विरोध करणं पडलं महागात;जुही चावलाला २० लाखांचा दंड
अशी होते फसवणूक
दारुच्या दुकानांचा संपर्क क्रमांक शोधण्यासाठी गुगलचा सर्रास वापर केला जातो. ऑनलाइन भामट्यांनी ग्राहकांची ऑनलाइन मागवण्याची ही पद्धत अचूक हेरली असून विविध वाइन शॉपच्या नावांवर गुगलमध्ये असलेल्या मोबाइल क्रमांकांत फेरफार करण्यात आले आहेत. ग्राहकांनी दारू घरपोच मागवण्यासाठी या क्रमांकांवर संपर्क केल्यास अॅडव्हान्स पेमेंट, डिपॉझिट तसेच विविध करणे सांगून त्यांच्याकडून डेबिट कार्ड, क्रेडिट कार्ड तसेच बँकेचा तपशील मागवला जातो आणि त्यामाध्यमातून लाखो रुपये परस्पर काढले जातात.