मुंबई : सध्या ओटीटी प्लॅटफॉर्मवर ‘फॅमिली मॅन २’ ही वेबसीरिज खूपच लोकप्रिय झाली आहे. या वेब सीरिजशी संबंधित बातम्या सातत्याने पुढे येत आहे. अलिकेडच या सीरिजमध्ये साजिदची भूमिका साकारणाऱ्या शहाब अली याने आणखी एका गोष्टीचा खुलासा केला आहे. शहाबने सांगितले की, राजी आणि साजिद यांच्यात प्रेम फुलते. या सीरिजमध्ये त्या दोघांचे काही इंटिमेट सीन चित्रीत केले होते. परंतु फायन रिलीजच्यावेळी हे सीन कापण्यात आले. शहाबने हा खुलासा एका मुलाखतीमध्ये केला आहे.

शहाबने या मुलाखतीमध्ये पुढे सांगितले की, ‘इंटिमेट सीन कापले हा मुद्दा नाही. ती तर सर्वसाधारण गोष्ट आहे. जर कलाकृतीची लांबी वाढत असेल तर एडिटींग करून काही सीन कापले जातातच. असा कोणताही महत्त्वाचा सीन कापण्यात आला नाही.’ ‘फॅमिली मॅन २’ या वेब सीरिजमध्ये समंथा अक्कीनेनी आणि शहाब यांनी दहशतवाद्याची भूमिका साकारली. हे दोघे मिळून भारतामध्ये आत्मघात करण्याचा कट आखतात.

आवश्यक ते सीन ठेवायला हवे होते

शहाबने या मुलाखतीमध्ये पुढे सांगितले की, ‘मला असे वाटते की ते सीन्स ठेवायला हवे होते. त्याची गरज होती. सीरिजमधील जे प्रसंग गरजेचे नव्हते ते काढायला हवे होते.’ शारीरिक जवळीक असलेले सीन देखील होते का असे विचारल्यावर शहाबने याचे उत्तर होकारार्थी दिले. तो म्हणाला, ‘आम्ही काही असे प्रसंग चित्रीत केले की त्यामध्ये या दोघांमध्ये प्रेम आहे असे दाखवले होते. परंतु निर्मात्यांना अथवा ओटीटी प्लॅटफॉर्मवाल्यांना त्या प्रसंगांमध्ये काही अर्थ नाही असे वाटले आणि त्यांनी ते सीन कापटले. खूप सारे प्रसंग एडीटिंगमध्ये कापण्यात आले. अर्थात ही गोष्ट फार मोठी नाही. ती एक नेहमीचीच प्रक्रिया असते.’

‘द फॅमिली मॅन २‘ या सीरिजमध्ये राजीला खूप निष्ठूर दाखवले आहे. ती कुणाशीही भावनिकरित्या गुंतत नाही. अर्थात सीरिजच्या शेवटी राजीला साजीदबद्दल आत्मियता वाटू लागते, असे दाखवले आहे.