बॉयफ्रेंड समोर सुश्मिता सेनला चाहत्यानं केलं प्रपोज, पाहा कशी होती रोहमनची प्रतिक्रिया

मुंबई: अभिनेत्री सुश्मिता सेन सोशल मीडियावर नेहमीच सक्रिय असते. अनेकदा लाइव्ह सेशनमधून ती तिच्या चाहत्यांशी संवाद साधताना दिसते. नुकतंच तिनं इन्स्टाग्रामवर असंच एक लाइव्ह सेशन घेतलं होतं. यावेळी सुश्मिता सोबत तिच्या दोन्ही मुली रिनी आणि अलिशा तसेच बॉयफ्रेंड रोहमन शॉल उपस्थित होता. अशात सुश्मिताच्या एका चाहत्यानं तिला प्रपोज केलं आणि याचं उत्तर रोहमननं दिलं. सध्या सोशल मीडियावर सुश्मिताचा हा व्हिडीओ व्हायरल होताना दिसत आहे.

सुश्मिता सेननं नुकत्याच घेतलेल्या या लाइव्ह सेशनमध्ये तिची मुलगी अलिशा चाहत्यांच्या कमेंट वाचत होती. ज्यात एका चाहत्यानं सुश्मिताला, ‘तू माझ्याशी लग्न करशील का?’ असं म्हणत प्रपोज केलं. चाहत्याच्या या प्रपोजलवर सुश्मिता काही बोलते न बोलते तोच तिचा बॉयफ्रेंड रोहमन पुढे येऊन म्हणाला, ‘नाही’ रोहमनची अशी प्रतिक्रिया पाहून स्वतः सुश्मितालाही हसू आवरणं कठीण झालं.
‘पत्नीचा विश्वासघात केल्याचा पश्चाताप होतोय’ सुश्मिता सेनशी अफेअरवर विक्रम भट्ट यांची प्रतिक्रिया
रोहमनच्या अशा प्रतिक्रियेवर ‘हा प्रश्न तुझ्यासाठी नव्हता.’ असं आलिशा त्याला म्हणते. ज्यावर रोहमन तिला, ‘मी सुश्मिताच्या वतीनं याचं उत्तर दिलं’ असं म्हणताना दिसतो. पण तरीही अलिशा सुश्मितानंच याचं उत्तर द्यावं असं म्हणते आणि सुश्मिताही मुलीचं बोलणं ऐकून उत्तर देते. ती म्हणते, ‘रोहमननं लगेचच उत्तर दिलं की नाही.’ हा व्हिडीओ इन्स्टाग्रामवर शेअर करताना सुश्मितानं लिहिलं, ‘तुमच्यामुळे नेहमीच माझा दिवस आनंदी जातो. मी तुमच्यावर खूप प्रेम करते.’

रोहमन आणि सुश्मिता मागच्या काही वर्षांपासून एकमेकांना डेट करत आहेत. हे दोघंही सोशल मीडियावर नेहमीच त्यांचे फोटो आणि व्हिडीओ शेअर करताना दिसतात. सुश्मिताच्या कामाबद्दल बोलायचं तर मागच्या वर्षी रिलीज झालेली तिची वेब सीरिज आर्या बरीच गाजली. सध्या सुश्मिता या वेब सीरिजच्या दुसऱ्या सीझनची तयारी करत आहे. या वेब सीरिजसाठी सुश्मितानं अनेक पुरस्कारही जिंकले आहेत.

एक्स बॉयफ्रेंडबद्दल विचारणाऱ्या युझरला सुश्मिता सेनच्या मुलीचं स्मार्ट उत्तर, म्हणाली…