म. टा. प्रतिनिधी,
मुंबईहून न्यूझिलंडला होणारी अमली पदार्थ तस्करी नार्कोटिक्स कन्ट्रोल ब्युरोने (एनसीबी) उघडकीस आणली आहे. या अंतर्गत अंधेरी भागात शनिवारी छापा टाकून ५०० ग्रॅम अमली पदार्थ जप्त करण्यात आले.

एनसीबीने अमली पदार्थविरोधी कारवाईला गेल्या काही महिन्यांपासून गती दिली आहे. अंधेरी पूर्व भागात होणार असल्याची गुप्त माहिती एनसीबीच्य अधिकाऱ्यांना मिळाली होती. त्यानुसार एनसीबी मुंबईने प्रादेशिक संचालक समीर वानखेडे यांच्या नेतृत्वाखाली छापा टाकला असता त्यांना एका इंडक्शन कूक टॉपचे पॅकिंग सुरू असल्याचे आढळले. हा कूक टॉप उघडला असता त्यात ५०० ग्रॅम अॅम्फेटामाइन अमली पदार्थ असल्याचे दिसून आले. हे अमली पदार्थ न्यूझिलंडमधील ख्राइस्टचर्च येथे पाठविण्यात येणार होते.