मुंबई: बॉलिवूड अभिनेत्री नीना गुप्ता त्यांचं आत्मचरित्र ‘सच कहूं तो’मुळे मागच्या काही दिवसांपासून चर्चेत आहेत. या पुस्तकात त्यांनी त्यांच्या आयुष्यातील अनेक खुलासे केले आहेत जे कोणालाही माहीत नव्हते. पण सध्या त्या सोशल मीडियावर चर्चेत आहेत ज्याचं कारण खूप वेगळं आहे. नीना गुप्ता यांनी नुकतीच प्रसिद्ध गीतकार गुलजार यांची भेट घेतली आणि स्वतःचं आत्मचरित्र त्यांना गिफ्ट केलं. पण यावेळी त्यांनी घातलेल्या कपड्यांवरून त्यांना सोशल मीडियावर ट्रोल केलं गेलं. पण आता नीना यांनी या ट्रोलिंगला सडेतोड उत्तर दिलं आहे.

प्रेग्नन्ट नीना गुप्ता यांना सतीश कौशिकनी केलं होतं लग्नासाठी प्रपोज, वाचा संपूर्ण किस्सा
नीना यांनी त्यांच्या सोशल मीडियावर एक व्हिडीओ शेअर केला आहे. ज्यात त्या आपलं पुस्तक गुलजार यांना गिफ्ट करताना दिसत आहे. यावेळी त्या शॉर्ट ड्रेस घातला होता. त्यांच्या याच ड्रेसवरून त्यांना सोशल मीडियावर जोरदार ट्रोल केलं जात आहे. याबाबत इ-टाइम्सशी बोलताना नीना गुप्ता म्हणाल्या, ‘मला समजत नाही की जेव्हा कोणी मला ट्रोल केलं जात आहे असं लिहितो. तेव्हा त्याचा अर्थ नक्की काय असतो? याचा अर्थ असा तर नाही की, खूप सारे लोक माझ्यावर टीका करत आहेत. पण तुम्ही पाहा की, किती लोकांनी माझं कौतुकही आहे. मग अशात मला २-४ लोकांची काळजी करायला हवी का?’

नीना यांना यावेळी, ‘तुमच्यावर टीका करणाऱ्यांना तुम्ही काय सांगू इच्छिता?’ असाही प्रश्न विचारण्यात आला. त्यावर त्या म्हणाल्या, ‘का? माझ्यावर टीका करणाऱ्या २-४ लोकांना मी जास्त महत्त्व का देऊ. जेव्हा माझं कौतुक करणारे लोक त्यामानाने जास्त आहेत.’

वडिलांकडून झालेल्या फसवणुकीनंतर आईने… ; नीना गुप्ता यांचा आणखी एक मोठा खुलासा
नीना यांच्या कामाबद्दल बोलायचं तर त्यांचा ‘सरदार का ग्रँडसन’ हा चित्रपट काही दिवसांपूर्वीच रिलीज झाला. या चित्रपटात त्यांच्यासोबत अर्जुन कपूर आणि राकुलप्रीत सिंह यांच्या मुख्य भूमिका होत्या. याशिवाय त्या परिणिती चोप्राचा चित्रपट ‘संदीप और पिंकी फरार’मध्येही दिसल्या होत्या. सध्या त्या ‘गुडबाय’ या चित्रपटाचं शूटिंग करत आहेत. ज्यात त्या अमिताभ बच्चन यांच्यासोबत दिसणार आहेत.