‘सत्यनारायण की कथा’ मध्ये कार्तिक आर्यनसोबत दिसणार ‘ही’ अभिनेत्री?

मुंबई:दोन दिवसांपूर्वी समीर विद्वांस दिग्दर्शित ‘सत्यनारायण की कथा‘ या सिनेमाची पहिली झलक प्रेक्षकांच्या भेटीस आली. या सिनेमाच्या निमित्तानं समीर बॉलिवूडमध्ये पदार्पण करतोय. या सिनेमात अभिनेता कार्तिक आर्यन मुख्य भूमिकेत दिसणार आहे. त्याच्या जोडीला अभिनेत्री कोण असणार याविषयी प्रेक्षकांची उत्सुकता वाढली होती.

आता या नावाबद्दलही चर्चा सुरू झाली आहे. अभिनेत्री श्रद्धा कपूर या सिनेमात झळकणार असल्याचं बोललं जातंय. श्रद्धाला सिनेमाची संहिता आवडली असून तिनं होकार दिल्याचं समजतं. याबाबत अद्याप कोणीही अधिकृत घोषणा केलेली नसली तरी श्रद्धाच्या नावाची चर्चा सिनेवर्तुळात रंगू लागली आहे. असं झालं तर कार्तिक आणि श्रद्धा ही जोडी पहिल्यांदा एकत्र सिनेमात दिसेल.

श्रद्धा सध्या आगामी चित्रपटाच्या चित्रीकरणात व्यग्र असून यापूर्वी ती ‘बागी ३’ मध्ये दिसली होती. या चित्रपटाने बॉक्स ऑफिसवर चांगली कमाई केली होती.