मुंबई: ‘साथ निभाना साथिया’ या मालिकेतील गोपी बहू या भूमिकेमुळे अभिनेत्री देवोलीना भट्टाचार्जी लोकप्रियतेच्या शिखरावर पोहोचली आहे. अतिशय साधीसुधी असलेल्या गोपी बहूने प्रेक्षकांच्या मनात स्वतःचे असे स्थान निर्माण केले आहे. देवोलीना सोशल मीडियावर देखील खूपच सक्रीय असते. ती सातत्याने काही व्हिडीओ, फोटो चाहत्यांसाठी शेअर करत असते. अलिकडेच देवोलीनाने बेली डान्स करतानाचा व्हिडीओ इन्स्टाग्रामवर शेअर केला आहे. यामध्ये देवोलीनाने अत्यंत स्टनिंग डान्सिंग स्टेप्स केल्या असून तिचा हा व्हिडीओ खूपच सोशल मीडियावर व्हायरल झाला आहे.

देवोलीनाचा बेली डान्स

अभिनेत्री देवोलीनाने तिचा बेली डान्स करतानाचा व्हिडीओ इन्स्टाग्रामवर शेअर केला. त्याबरोबर तिने लिहिले, ‘प्रॅक्टिस, प्रॅक्टिस, प्रॅक्टिस… या डान्सबद्दल मला खूपच आत्मियता आहे. मी आतापर्यंत पूर्ण डान्स कसा करायचा हे शिकलेले नाही. ते शिकत आहे. परंतु मला विश्वास आहे की मी हे देखील लवकरच शिकेन आणि सर्वांसोबत तो डान्स शेअरदेखील करीन. तोपर्यंत या डान्सचा आनंद तुम्ही घ्या…’ असे म्हणत तिने #reelsinstagram #reelkarofeelkaro #bellydance #dancereels #passion #blessed #trending हे हॅशटॅग वापरले आहेत.

सोशल मीडियावर झाली ट्रोल

देवोलीनाने तिचा हा बेली डान्सचा व्हिडीओ इन्स्टाग्रामवर पोस्ट केल्यानंतर युझर्सने तिला खूपच ट्रोल केले. एका युझरने लिहिले, ‘गोपी बहू हे काय आहे?’, दुसऱ्या युझरने लिहिले, ‘गोपी बहू तू संस्कार विसरून गेली आहेस का? ‘ तर काहींनी देवोलीनाच्या या डान्सचे भरभरून कौतुक केले आहे. तर काहींनी पाठीचे दुखणे असताना असा डान्स केल्याबद्दल चिंताही व्यक्त केली आहे.

दरम्यान, देवोलीनाने साथ निभाना साथिया या मालिकेत गोपी बहूची भूमिका साकारली होती. याच नावाने देवोलीना ओळखली जाते. याशिवाय देवोलीनाने बिग बॉस १३ मध्ये सहभाग घेतला होता. परंतु पाठीच्या दुखण्यामुळे तिला हा कार्यक्रम मध्ये सोडून द्यावा लागला होता.