मुंबई– चमचमणाऱ्या चित्रपटसृष्टीमधील मोठमोठे कलाकार नेहमीच चेहऱ्याला मेकअप लावून फोटो काढताना आपल्याला दिसतात. कामात व्यग्र असणारे आणि सोशल मीडियावर सक्रिय असणारे हे कलाकार घरात कितपत वेळ देत असतील किंवा घरातील किती कामं करत असतील असा प्रश्न आजवर कित्येक प्रेक्षकांना पडला आहे. इतर कलाकारांबद्दल तर माहित नाही पण बॉलिवूड अभिनेत्री सोनम कपूर मात्र तिच्या घरातील सगळी कामं करतेय. एका वृत्तवाहिनीला दिलेल्या मुलाखतीत सोनमने स्वतः या गोष्टीचा खुलासा केला आहे.

मुख्यमंत्र्यांना ही कळकळीची विनंती… निवेदिता सराफ यांनी शेअर केला व्हिडिओ

सोनमने २०१८ साली आनंद अहुजा सोबत लग्नगाठ बांधली. लग्नानंतर सोनम लंडनला शिफ्ट झाली होती. सोनम फार कमी काळासाठी मुंबईत येते. भारतात जरी सोनम अभिनेत्री असली तरी लंडनमध्ये मात्र तिचं आयुष्य अगदी सर्वसामान्य माणसाप्रमाणे आहे. लंडनमध्ये घरातील सगळी कामं सोनम स्वतः करते. भारताप्रमाणे लंडनमध्ये मदतनीस मिळत नसल्याने सोनम घरातील केर काढणे, फरशी पुसणे, जेवण बनवणे अशी सगळी कामं करते. मुलाखतीत सोनम म्हणाली, ‘मला इथलं स्वातंत्र्य खूप आवडतं. मी माझं जेवण स्वतः बनवते, माझं घर साफ करते, घरातलं सगळं सामानही मी स्वतः खरेदी करते.मला हे सगळं फार आवडतं.’

आनंदसोबतच्या आयुष्याबद्दल सांगताना सोनम म्हणाली, ‘मी स्वतःला एक प्रवासी समजते जी लंडनमध्ये आहे. मी तिथल्या गल्ल्यांमध्ये फिरते. मी रोज रात्री माझ्या पतीसोबत जेवायला बसते जे मी बनवलेलं असतं. आम्ही सोबत टीव्ही बघतो. कधीकधी टीव्ही चॅनेलवरून आमच्यात वादही होतात.’ काही दिवसांपूर्वी सोनमने सोशल मीडियावर एक पोस्ट शेअर करत तिला भारताची आणि तिच्या घराची आठवण येत असल्याचं म्हटलं होतं. सोनम शेवटची ‘द झोया फॅक्टर’ चित्रपटात झळकली होती.

१४ वर्षांनंतरही ‘वेलकम’ मधील ‘या’ अभिनेत्याला मिळालं नाही मानधन