मुंबई– ‘रात्रीस खेळ चाले‘ मधून प्रेक्षकांच्या भेटीस आलेली मराठमोळी अभिनेत्री अपूर्वा नेमळेकर प्रेक्षकांची प्रचंड लाडकी आहे. मालिकेने प्रेक्षकांचा निरोप घेतला असला तरी मालिकेतील शेवंता मात्र चाहत्यांच्या मनात घर करून आहे. अपूर्वा सोशल मीडियावर चांगलीच सक्रिय असते. निरनिराळ्या पोस्ट करत ती नेहमीच चाहत्यांचं लक्ष वेधून घेत असते. आपले हटके फोटो पोस्ट करत अपूर्वा कायम चाहत्यांच्या संपर्कात असते. पुन्हा एकदा अपूर्वाने आपल्या सौंदयाने चाहत्यांना भुरळ पाडली आहे. अपूर्वाने नुकतेच काही फोटो चाहत्यांसोबत शेअर केले आहेत.
स्पोर्ट्स विअरमध्ये दिसली मलायका, केल्या गेल्या अश्लिल कमेन्ट

अपूर्वाने इन्स्टाग्रामवर काही फोटो शेअर केले आहेत. ज्यात तिने काळ्या रंगाची अनारकली परिधान केली आहे. सध्या सिल्वर ज्वेलरी प्रचंड लोकप्रिय आहे. लग्न समारंभांसोबत इतर कार्यक्रमात देखील मुली सिल्वर ज्वेलरीला प्राधान्य देताना दिसतात. अपूर्वाने देखील सिल्वर ज्वेलरी घालून हटके पोज देत फोटोशूट केलं आहे. कपाळावर बारीकशी टिकली, माथ्यावर बिंदी, नाकात नथ. अशा प्रकारची ज्वेलरी घालून अपूर्वाचं सौंदर्य आणखी उठून आलं आहे यात शंका नाही. त्यात अपूर्वाच्या डोळ्यातील काजळ चाहत्यांचं लक्ष वेधून घेत आहे.

हे फोटो चाहत्यांसोबत शेअर करत अपूर्वाने त्याला ‘तेरे वास्ते… मेरा इश्क सुफियाना’ असं कॅप्शन दिलं आहे. अपूर्वाचे हे फोटो चाहत्यांना प्रचंड पसंत पडले आहेत. अपूर्वाने पोस्ट केलेल्या फोटोंना हजारो लाइक मिळाले आहेत. काही दिवसांपूर्वी अपूर्वाने करोना लस घेतल्याचा फोटोही चाहत्यांसोबत शेअर केला होता. ‘रात्रीस खेळ चाले’ संपल्यानंतर आता अपूर्वा कोणत्या भूमिकेत प्रेक्षकांच्या भेटीला येणार याची सगळ्यांनाच उत्सुकता लागून राहिली आहे.

रविना टंडन आणि अभिनेता गोविंदा पुन्हा एकत्र? ‘त्या’ पोस्टमुळे चर्चेला उधाण