यामध्येच ‘सीएपीए’ने दक्षिण पूर्व आशिया, युरोप व उत्तर आणि दक्षिण अमेरिकेतील विमानसेवा कंपन्यांच्या ताफ्यातील विमानांचे सर्वेक्षणदेखील मांडले आहे. त्यामध्ये दक्षिण अमेरिकेतील दक्षिण-पश्चिम एअरलाइन्स या विमानसेवा कंपनीच्या ताफ्यातील विमानांचे सरासरी वय सर्वाधिक १२.७ वर्षे आहे. भारताबाहेर सर्वाधिक तरुण विमानसेवा व्हिएतनाममधील ‘व्हिएटजेट एयर’ ही आहे. या कंपनीच्या ताफ्यातील विमानांचे सरासरी वय ४.७ वर्षे आहे.

काय आहे ‘लो कॉस्ट कॅरियर’?

‘लो कॉस्ट कॅरियर’ (एलसीसी), ही कमी तिकीट दर असलेली विमानसेवा असते. या अंतर्गत प्रवाशांना अतिरिक्त सोयीसुविधा मिळत नाहीत. यामुळे तिकीटदरही कमी असतात. भारतातील एअर इंडिया व याआधीची जेट एअरवेज वगळता जवळपास सर्वच विमानसेवा एलसीसी श्रेणीतील आहेत. एअर इंडिया व जेट एअरवेजमध्ये प्रवाशांना विमान तिकीटासह अन्य सुविधादेखील दिल्या जात होत्या. त्यापैकी जेट एअरवेज आता बंद पडली आहे.